हिंदी
Sorry, this news is not available in your requested language. Please see here.
ਨਗਰ ਕੋਂਸਲ ਗੁਰਦਾਸਪੁਰ ਵਿਚ ਲੱਗੇ ਲੋਨ ਮੇਲੇ ਵਿਚ 530 ਵੈਂਡਰਾਂ ਦੀ ਕੀਤੀ ਰਜਿਸ਼ਟਰੇਸ਼ਨ-120 ਵੈਂਡਰਾਂ ਨੂੰ ਮੌਕੇ ’ਤੇ ਮੁਹੱਈਆ ਕਰਵਾਇਆ ਲੋਨ
ਗੁਰਦਾਸਪੁਰ, 27 ਫਰਵਰੀ ( ) ਡਿਪਟੀ ਕਮਿਸ਼ਨਰ ਜਨਾਬ ਮੁਹੰਮਦ ਇਸ਼ਫਾਕ ਦੀ ਅਗਵਾਈ ਹੇਠ ਅੱਜ ‘ਪ੍ਰਧਾਨ ਮੰਤਰੀ ਸਵਾਨਿਧੀ ਸਕੀਮ’ ਨਗਰ ਨਿਗਮ ਬਟਾਲਾ ਅਤੇ ਸਮੂਹ ਨਗਰ ਕੌਂਸਲਾਂ ਦੇ ਦਫਤਰਾਂ ਵਿਚ ਲੋਨ ਮੇਲਾ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤਕ ਲਗਾਇਆ ਗਿਆ, ਜਿਸ ਵਿਚ ਵੈਂਡਰਾਂ ਦੀ ਰਜਿਸਟਰੇਸ਼ਨ ਕੀਤੀ ਗਈ ਤੇ ਮੋਕੇ ਤੇ ਲੋਨ ਮੁਹੱਈਆ ਕਰਵਾਇਆ ਗਿਆ।
ਨਗਰ ਕੌਂਸਲ ਗੁਰਦਾਸਪੁਰ ਵਿਖੇ ਲੱਗ ਲੋਨ ਮੇਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਅਸੋਕ ਕੁੁਮਾਰ ਈ.ਓ ਨੇ ਦੱਸਿਆ ਕਿ ਡਿਪਟੀ ਕਮਿਸ਼ਨਰ ਦੇ ਦਿਸ਼ਾ-ਨਿਰਦੇਸ਼ਾਂ ਤਹਿਤ ਅੱਜ ‘ਪ੍ਰਧਾਨ ਮੰਤਰੀ ਸਵਾਨਿਧੀ ਸਕੀਮ’ ਲੋਨ ਮੇਲਾ ਲਗਾਇਆ ਗਿਆ ਤੇ 530 ਵੈਂਡਰਾਂ ਦੀ ਰਜਿਸ਼ਟਰੇਸ਼ਨ ਕੀਤੀ ਗਈ ਤੇ 120 ਵੈਂਡਰਾਂ ਨੂੰ ਮੌਕੇ ਤੇ ਲੋਨ ਮੁਹੱਈਆ ਕਰਵਾਇਆ ਗਿਆ। ਉਨਾਂ ਦੱਸਿਆ ਕਿ ਇਸ ਸਕੀਮ ਤਹਿਤ ਬੈਂਕਾਂ ਰਾਹੀ ਸਟਰੀਟ ਵੈਂਡਰਾਂ ਜਿਵੇਂ ਫੇਰੀਵਾਲੇ, ਮੋਚੀ, ਨਾਈ ਦਾ ਕੰਮ ਕੰਮ ਕਰਨ ਵਾਲੇ, ਫਾਸਟ ਫੂਡ ਆਦਿ ਦੀ ਰੇਹੜੀ ਲਗਾਉਣ ਵਾਲੇ ਅਤੇ ਹੋਰ ਰੇਹੜੀਆਂ ਤੇ ਸਮਾਨ ਵੇਚਣ ਵਾਲੇ ਆਦਿ ਨੂੰ 10 ਹਜਾਰ ਰੁਪਏ ਦਾ ਲੋਨ ਮੁਹੱਈਆ ਕਰਵਾਇਆ ਜਾਂਦਾ ਹੈ।
ਉਨਾਂ ਦੱਸਿਆ ਕਿ ਜਿਲੇ ਅੰਦਰ ਸਮੂਹ ਕਾਰਜਸਾਧਕ ਅਫਸਰਾਂ ਵਲੋਂ ਆਪਣੇ ਅਧੀਨ ਪੈਂਦੇ ਤੈਹ ਬਾਜ਼ਾਰੀ ਵਿਭਾਗ ਨੂੰ ਐਕਵਿਟ ਕੀਤਾ ਜਾ ਰਿਹਾ ਹੈ ਤਾਂ ਜੋ ਉਹ ਰਜਿਸਟਰਡ ਰੇਹੜੀ ਵਾਲਿਆਂ ਨੂੰ ਲੋਨ ਮੇਲੇ ਵਿਚ ਹਾਜਰ ਕਰਵਾਉਣ ਤਾਂ ਉਹ ਸਕੀਮ ਦਾ ਲਾਭ ਉਠਾ ਸਕਣ। ਉਨਾਂ ਅੱਗੇ ਕਿਹਾ ਕਿ ਜੇਕਰ ਕੋਈ ਰਜਿਸਟਰਡ ਵੈਂਡਰ ਅੱਜ ਲੋਨ ਮੇਲੇ ਵਿਚ ਆਉਣ ਤੋਂ ਖੁੰਝ ਗਿਆ ਹੈ ਤਾਂ ਉਹ ਨਗਰ ਕੌਂਸਲ ਦਫਤਰ ਵਿਖੇ ਆ ਕੇ ਜਾਣਕਾਰੀ ਪ੍ਰਾਪਤ ਕਰ ਸਕਦਾ ਹੈ।
