हिंदी
Sorry, this news is not available in your requested language. Please see here.
ਸ਼ਹਿਰਾਂ ਅਤੇ ਪਿੰਡਾਂ ਦੀ ਸਫ਼ਾਈ, ਪ੍ਰਦੂਸ਼ਣ ਤੋਂ ਬਚਾਅ, ਸਵੱਛ ਪੀਣ ਵਾਲੇ ਪਾਣੀ ਸਬੰਧੀ ਨੁਕਤੇ ਸਾਂਝੇ ਕੀਤੇ ਗਏ
ਬਰਨਾਲਾ, 13 ਅਗਸਤ 2021
ਜ਼ਿਲ੍ਹਾ ਬਰਨਾਲਾ ਦੀ ਵਾਤਾਵਰਨ ਐਕਸ਼ਨ ਪਲਾਨ ਕਮੇਟੀ ਦੀ ਬੈਠਕ ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਵਧੀਕ ਡਿਪਟੀ ਕਮਿਸ਼ਨਰ (ਜਨਰਲ) ਸ੍ਰੀ ਅਮਿਤ ਬੈਂਬੀ ਦੀ ਅਗਵਾਈ ਹੇਠ ਕੀਤੀ ਗਈ।
ਇਸ ਮੌਕੇ ਸ਼੍ਰੀ ਅਮਿਤ ਨੇ ਵੱਖ-ਵੱਖ ਨਗਰ ਕੌਂਸਲਾਂ ਤੋਂ ਆਏ ਕਾਰਜਕਾਰੀ ਅਧਿਕਾਰੀਆਂ, ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਦੇ ਅਫ਼ਸਰਾਂ ਅਤੇ ਹੋਰਨਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਕਮੇਟੀ ਦਾ ਮੁੱਖ ਮੰਤਵ ਸਾਰੀਆਂ ਨਗਰ ਕੌਂਸਲਾਂ ਅਤੇ ਪਿੰਡਾਂ ਚ ਸਾਫ਼-ਸਫ਼ਾਈ ਸਬੰਧੀ ਸਰਕਾਰ ਵੱਲੋਂ ਤੈਅ ਕੀਤੇ ਮਾਪਦੰਡਾਂ ਨੂੰ ਪੂਰਾ ਕਰਨਾ ਹੈ।
ਉਨ੍ਹਾਂ ਕਿਹਾ ਕਿ ਸ਼ਹਿਰਾਂ ਅਤੇ ਪਿੰਡਾਂ ਚ ਗਿੱਲੇ ਕੂੜੇ-ਸੁੱਕੇ ਕੂੜੇ ਨੂੰ ਵੱਖ-ਵੱਖ ਕਰਨ, ਘਰਾਂ ਚੋਂ ਸਮੇਂ-ਸਿਰ ਕੂੜਾ ਚੁੱਕਣ, ਸੀਵਰੇਜ ਟਰੀਟਮੈਂਟ ਪਲਾਂਟਾ ਉੱਤੇ ਸੀਵਰ ਦੇ ਪਾਣੀ ਨੂੰ ਸਾਫ਼ ਕਰਕੇ ਉਸ ਦੀ ਮੁੜ ਵਰਤੋਂ ਕਰਨ ਆਦਿ ਸਬੰਧੀ ਕੰਮ ਕੀਤਾ ਜਾਵੇ ।
ਨਾਲ ਹੀ ਉਨ੍ਹਾਂ ਇਹ ਵੀ ਹਿਦਾਇਤ ਦਿੱਤੀ ਕਿ ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਵੱਲੋਂ ਜਿਸ ਵੀ ਤਰ੍ਹਾਂ ਦੇ ਫਾਰਮ ਅਤੇ ਰਿਪੋਰਟਾਂ ਭੇਜਣ ਦੇ ਨਿਰਦੇਸ਼ ਦਿੱਤੇ ਜਾਂਦੇ ਹਨ ਉਹ ਰਿਪੋਰਟਾਂ ਸਮੇਂ-ਸਿਰ ਅਤੇ ਤਰਤੀਬਵਾਰ ਭੇਜੀਆਂ ਜਾਣ।
ਇਸ ਮੌਕੇ ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਦੇ ਵਾਤਾਵਰਣ ਇੰਜੀਨੀਅਰ ਡਾ. ਰਾਜੀਵ ਗੁਪਤਾ, ਜ਼ਿਲ੍ਹਾ ਵਿਕਾਸ ਅਤੇ ਪੰਚਾਇਤ ਅਫ਼ਸਰ ਸ਼੍ਰੀ ਜਗਤਾਰ ਸਿੰਘ ਸਿੱਧੂ, ਰਜਿੰਦਰ ਕੁਮਾਰ ਗਰਗ ਐੱਸ.ਡੀ.ਈ ਸ਼੍ਰੀ ਰਜਿੰਦਰ ਕੁਮਾਰ, ਹੰਡਿਆਇਆ ਅਤੇ ਭਦੌੜ ਈ.ਓ. ਸ਼੍ਰੀ ਮਨਪ੍ਰੀਤ ਸਿੱਧੂ, ਈ.ਓ. ਬਰਨਾਲਾ ਸ਼੍ਰੀ ਮੋਹਿਤ ਸ਼ਰਮਾ ਅਤੇ ਈ.ਓ. ਤਪਾ ਸ਼੍ਰੀ ਬਾਲਕਿਸ਼ਨ ਵੀ ਮੌਜੂਦ ਸਨ।
