हिंदी
Sorry, this news is not available in your requested language. Please see here.
ਖੇਤ ਮਜਦੂਰਾਂ ਦੇ ‘ਵਫਦ’ ਨੇ ਡਾ ਸਿਆਲਕਾ ਨਾਲ ਕੀਤੀ ਮੁਲਾਕਾਤ
ਕਮਿਸ਼ਨ ਨੇ ਮਜ਼ਦੂਰਾਂ ਦੇ ਵਕਾਲਤ ਕਰਨ ਦਾ ਦਿੱਤਾ ਭਰੋਸਾ
ਅੰਮਿ੍ਰਤਸਰ, 13 ਜੂਨ,2021- ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਮੈਂਬਰ ਡਾ ਟੀਐਸ ਸਿਆਲਕਾ ਨੇ ਅੱਜ ਸਰਕਟ ਹਾਊਸ ਵਿਖੇ ਮਜ਼ਦੂਰ ਮੁਕਤੀ ਮੌਰਚਾ ਦੇ ਪ੍ਰਧਾਨ ਸ੍ਰੀ ਰੌਬਿਨ ਮਸੀਹ ਸਮੇਤ ਕਿਰਤੀਆਂ ਦੇ ‘ਵਫਦ’ ਨਾਲ ਮੀਟਿੰਗ ਕੀਤੀ। ਇਹ ਮੀਟਿੰਗ ਕਰਾਉਂਣ ‘ਚ ‘ਅਬਨਹੀਂ’ ਸੰਸਥਾ ਦੀ ਇੰਚਾਰਜ਼ ਸਤਵਿੰਦਰ ਕੌਰ ਸੱਤੀ ਅਤੇ ਚੇਅਰਮੈਨ ਰਾਕੇਸ਼ ਸ਼ਰਮਾ ਨੇ ਅਹਿਮ ਭੂਮਿਕਾ ਨਿਭਾਈ। ਰੌਬਨ ਮਸੀਹ ਨੇ ਸੂਬੇ ਦੇ ਖੇਤ ਮਜ਼ਦੂਰਾਂ ਦੀ ਮੇਹਨਤ ਨੂੰ ਲੈ ਕੇ ਕੁਝ ਕਿਸਾਨ ਧਿਰਾਂ ਵੱਲੋਂ ਪਿੰਡਾਂ ‘ਚ ਪਾਏ ਜਾ ਰਹੇ ਮਤਿਆਂ ਨੂੰ ਗੈਰ-ਸੰਵਿਧਾਨਕ ਅਤੇ ਤਾਨਾਸ਼ਾਹ ਦੱਸਦਿਆਂ ਕਮਿਸ਼ਨ ਨੂੰ ਮਜ਼ਦੂਰਾਂ ਦੇ ਹੱਕ ‘ਚ ਫੱਤਵਾਂ ਦੇਣ ਦੀ ਅਪੀਲ ਕੀਤੀ।‘ਵਫਦ’ ‘ਚ ਸ਼ਾਮਲ ਕਿਰਤੀਆਂ ਨੇ ਕਮਿਸ਼ਨ ਨੂੰ ਦੱਸਿਆ ਕਿ ਪਿੰਡਾਂ ‘ਚ ਝੋਨੇ ਦੀ ਲੁਆਈ ਨੂੰ ਲੈ ਕੇ ਕੁਝ ਜ਼ਿੰਮੀਂਦਾਰ ਘਰਾਣਿਆਂ ਵੱਲੋਂ ਪਾਏ ਜਾ ਰਹੇ ਮਤੇ ਕਿਰਤ ਕਨੂੰਨ ਦੀ ਉਲੰਘਣਾ ਦੱਸਦਿਆਂ ਇਸ ਮਾਮਲੇ ਤੇ ਨੋਟਿਸ ਲੈਣ ਦੀ ਬੇਨਤੀ ਕੀਤੀ। ਰੌਬਨ ਮਸੀਹ, ਸਤਵਿੰਦਰ ਕੌਰ ਸੱਤੀ,ਮੁਲਕ ਸਿੰਘ,ਸੁਰਜੀਤ ਸਿੰਘ,ਦਲਜੀਤ ਸਿੰਘ ਅਤੇ ਗੁਰਜੀਤ ਸਿੰਘ ਨੇ ਡਾ ਟੀਐਸ ਸਿਆਲਕਾ ਨੂੰ ਬੇਨਤੀ ਕੀਤੀ ਕਿ ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਤਹਿਤ ਬੇਘਰਿਆਂ ਨੂੰ ਵਸੇਬੇ ਲਈ ਮਕਾਨ ਅਲਾਟ ਕਰਵਾਉਂਣ ਦੇ ਵਿਸ਼ੇ ਤੇ ਸਰਕਾਰ ਨਾਲ ਵਿਚਾਰ ਚਰਚਾ ਕੀਤੀ ਜਾਵੇ।
ਕਾਮਿਆਂ ਦੇ ਵਫਦ ਨਾਲ ਮੁਲਾਕਾਤ ਕਰਨ ਤੋਂ ਬਾਦ ਪ੍ਰੈਸ ਦੇ ਮੁਖਾਤਿਬ ਹੁੰਦਿਆਂ ਹੋਇਆਂ ਡਾ ਤਰਸੇਮ ਸਿੰਘ ਸਿਆਲਕਾ ਨੇ ਖੇਤ ਮਜ਼ਦੂਰਾਂ ਨੂੰ ਭਰੋਸਾ ਦਿੱਤਾ ਕਿ ਪਿੰਡਾਂ ‘ਚ ਕਿਸਾਨ-ਮਜ਼ਦੂਰ ਦੇ ਆਪਸੀ ਰਿਸ਼ਤਿਆਂ ‘ਚ ਤ੍ਰੇੜਾਂ ਪਾਉਂਣ ਦੀ ਕੋਸ਼ਿਸ਼ ਕਰਨ ਵਾਲਿਆਂ ਕਿਸਾਨ ਭਰਾਂਵਾਂ ਨੂੰ ਪ੍ਰੇਰਿਤ ਕੀਤਾ ਜਾਵੇਗਾ ਕਿ ਵੱਖਰੇਵੇਂ ਪੈਦਾ ਕਰਕੇ ਕਿਸਾਨ ਮਜ਼ਦੂਰ ਦੇ ਸਬੰਧਾਂ ਨੂੰ ਤੋੜਨ ਤਂ ਬਚਾਉਂਣ ਅਤੇ ਖੇਤ ਮਜ਼ਦੂਰਾਂ ਨੂੰ ਕਿਰਤ ਕਨੂੰਨ ਅਨੁਸਾਰ ਮੇਹਨਤਾਨਾ ਦਵਾਉਂਣ ਲਈ ਕਮਿਸ਼ਨ ਸੰਭਵ ਕਾਰਵਾਈ ਕਰੇਗਾ।ਇੱਕ ਸਵਾਲ ਦੇ ਜਵਾਬ ‘ਚ ਉਨਾ ਨੇ ਕਿਹਾ ਕਿ ਗੈਰ ਸੰਵਿਧਾਨ ਤੌਰ ‘ਤੇ ਪਾਸ ਕੀਤਿਆਂ ਮਤਿਆਂ ਦੇ ਮਾਮਲੇ ‘ਚ ਦਖਲ ਦੇਣ ਲਈ ਕਮਿਸ਼ਨ ਲੇਬਰ ਪੰਜਾਬ ਸਰਕਾਰ ਅਤੇ ਡਾਇਰੈਕਟਰ ਪੇਂਡੂ ਵਿਕਾਸ ਤੇ ਪੰਚਾਇਤ ਵਿਭਾਗ ਨੂੰ ਲਿਖਿਆ ਜਾਵੇਗਾ।
ਫੋਟੋ ਕੈਪਸ਼ਨ : ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਮੈਂਬਰ ਡਾ ਤਰਸੇਮ ਸਿੰਘ ਸਿਆਲਕਾ, ਉਨਾਂ ਦੇ ਪੀਆਰਓ ਸਤਨਾਮ ਸਿੰਘ ਗਿੱਲ, ਮਜ਼ਦੂਰ ਮੁਕਤੀ ਮੌਰਚਾ ਦੇ ਪ੍ਰਧਾਨ ਰੋਬਨ ਮਸੀਹ, ਰਾਕੇਸ਼ ਸ਼ਰਮਾ ਤੇ ਸਤਵਿੰਦਰ ਕੌਰ ਸੱਤੀ ਤੇ ਕਈ ਹੋਰ ਮੀਟਿੰਗ ਕਰਦੇ ਹੋਏ।
