ਨੌਜਵਾਨ ਰੋਜ਼ਗਾਰ ਤੇ ਸਵੈ ਰੋਜ਼ਗਾਰ ਦੇ ਬਿਹਤਰ ਮੌਕਿਆਂ ਲਈ ਰੋਜ਼ਗਾਰ ਬਿਊਰੋ ਵਿਖੇ ਰਜਿਸਟਰੇਸ਼ਨ ਕਰਵਾਉਣ : ਰੋਜ਼ਗਾਰ ਅਫ਼ਸਰ

क्षमा करें, यह समाचार आपके अनुरोध की भाषा में उपलब्ध नहीं है। कृपया यहाँ देखें।

ਜ਼ਿਲ੍ਹਾ ਪ੍ਰੋਗਰਾਮ ਅਫ਼ਸਰ ਪਟਿਆਲਾ ਵਿਖੇ ਨਿਕਲੀਆਂ ਵੱਖ ਵੱਖ ਅਸਾਮੀਆਂ ਲਈ 5 ਅਗਸਤ ਤੱਕ ਕੀਤਾ ਜਾਵੇ ਅਪਲਾਈ
ਪਟਿਆਲਾ, 14 ਜੁਲਾਈ 2021
ਜ਼ਿਲ੍ਹਾ ਰੋਜ਼ਗਾਰ ਅਫ਼ਸਰ ਸਿੰਪੀ ਸਿੰਗਲਾ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਜ਼ਿਲ੍ਹਾ ਪ੍ਰੋਗਰਾਮ ਅਫ਼ਸਰ ਪਟਿਆਲਾ ਵੱਲੋਂ ਸਖੀ ਵਨ ਸਟਾਪ ਸੈਂਟਰ ਲਈ (ਲੜਕੀਆਂ) ਸੈਂਟਰਲ ਐਡਮਨਿਸਟਰੇਟਰ, ਕੇਸ ਵਰਕਰ ਤੇ ਕਾਊਂਸਲਰ ਦੀਆਂ ਅਸਾਮੀਆਂ ਪ੍ਰਕਾਸ਼ਿਤ ਕੀਤੀਆਂ ਗਈਆਂ ਹਨ। ਉਨ੍ਹਾਂ ਯੋਗਤਾ ਸਬੰਧੀ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਸੈਂਟਰਲ ਐਡਮਨਿਸਟਰੇਟਰ ਅਤੇ ਕੇਸ ਵਰਕਰ ਦੀ ਅਸਾਮੀ ਲਈ ਪ੍ਰਾਰਥੀ ਦੀ ਯੋਗਤਾ ਬੈਚਲਰ ਆਫ਼ ਲਾਅ, ਮਾਸਟਰ ਇੰਨ ਸੋਸ਼ਲ ਵਰਕ, ਵੁਮੈਨ ਸਟੱਡੀਜ਼, ਜਨਰਲ ਸਟੱਡੀਜ਼, ਸਾਈਕਾਲੋਜੀ, ਸਮਾਜ ਸ਼ਾਸ਼ਤਰ ਕਿਸੇ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਤੋਂ ਪਾਸ ਕੀਤੀ ਹੋਵੇ। ਸੈਂਟਰਲ ਐਡਮਨਿਸਟਰੇਟਰ ਲਈ ਤਿੰਨ ਸਾਲਾ ਅਤੇ ਕੇਸ ਵਰਕਰ ਲਈ ਦੋ ਸਾਲ ਦਾ ਤਜਰਬਾ ਹੋਵੇ। ਕਾਂਊਸਲਰ ਦੀ ਅਸਾਮੀ ਲਈ ਪ੍ਰਾਰਥੀ ਦੀ ਯੋਗਤਾ ਮਾਸਟਰ ਇੰਨ ਸੋਸ਼ਲ ਵਰਕ ਜਾਂ ਕਲੀਨੀਕਲ ਸਾਈਕਾਲੋਜੀ ਕਿਸੇ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਤੋਂ ਪਾਸ ਕੀਤੀ ਹੋਵੇ ਤੇ 3 ਸਾਲ ਦਾ ਤਜਰਬਾ ਹੋਵੇ।
ਉਕਤ ਅਸਾਮੀਆਂ ਲਈ ਪ੍ਰਾਰਥੀ ਦੀ ਉਮਰ 18 ਸਾਲ ਤੋਂ 37 ਸਾਲ ਹੋਵੇ, ਅਨੁਸੂਚਿਤ ਜਾਤੀ ਅਤੇ ਪੱਛੜੀ ਜਾਤੀ ਨੂੰ ਪੰਜਾਬ ਸਰਕਾਰ ਦੇ ਨਿਯਮਾਂ ਅਨੁਸਾਰ ਛੋਟ ਦਿੱਤੀ ਜਾਵੇਗੀ। ਚਾਹਵਾਨ ਉਮੀਦਵਾਰ ਭਰਤੀ ਦੀਆਂ ਸ਼ਰਤਾਂ ਅਤੇ ਫਾਰਮ www.patiala.nic.in ਤੋਂ ਪ੍ਰਾਪਤ ਕਰ ਸਕਦੇ ਹਨ ਜਾਂ ਜ਼ਿਲ੍ਹਾ ਬਿਊਰੋ ਆਫ਼ ਰੋਜਗਾਰ ਅਤੇ ਕਾਰੋਬਾਰ ਦਫ਼ਤਰ, ਬਲਾਕ ਡੀ ਮਿੰਨੀ ਸਕਤਰੇਤ, ਪਟਿਆਲਾ ਤੋਂ ਦਫ਼ਤਰ ਆ ਕੇ ਪ੍ਰਾਪਤ ਕਰ ਸਕਦੇ ਹਨ। ਪ੍ਰਾਰਥੀ ਆਪਣੀਆਂ ਅਰਜੀਆਂ ਦਸਤੀ ਜਾਂ ਰਜਿਸਟਰਡ ਪੋਸਟ ਰਾਹੀਂ ਜ਼ਿਲ੍ਹਾ ਪ੍ਰੋਗਰਾਮ ਅਫਸਰ, ਕਮਰਾ ਨੰਬਰ 208-10 ਬਲਾਕ ਏ ਪਹਿਲੀ ਮੰਜ਼ਿਲ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਪਟਿਆਲਾ ਵਿਖੇ ਮਿਤੀ 5 ਅਗਸਤ 2021 ਤੱਕ ਸ਼ਾਮ 5 ਵਜੇ ਤੱਕ ਜਮਾਂ ਕਰਾ ਸਕਦੇ ਹਨ। ਇਸ ਮੌਕੇ ਸਿੰਪੀ ਸਿੰਗਲਾ ਵੱਧ ਤੋਂ ਵੱਧ ਨੌਜਵਾਨਾਂ ਨੂੰ ਉਕਤ ਅਸਾਮੀਆਂ ਲਈ ਅਪਲਾਈਕਰਨ ਲਈ ਅਪੀਲ ਕੀਤੀ ਅਤੇ ਰੋਜ਼ਾਗਰ ਦੇ ਬਿਹਤਰ ਮੌਕਿਆਂ ਲਈ ਆਪਣੀ ਰਜਿਸਟਰੇਸ਼ਨ ਜ਼ਿਲ੍ਹਾ ਰੋਜ਼ਗਾਰ ਤੇ ਕਾਰੋਬਾਰ ਵਿਖੇ ਕਰਵਾਉਣ ਲਈ ਕਿਹਾ।