हिंदी
Sorry, this news is not available in your requested language. Please see here.
ਖੇਡ ਮੁਕਾਬਲੇ ਲਈ ਰੋਜ਼ਾਨਾ ਕਸਰਤ ਨੇ ਡਾਇਬੀਟੀਜ਼ ਕਾਫੀ ਹੱਦ ਤੱਕ ਠੀਕ ਹੋਈ: ਭਰਪੂਰ ਕੌਰ
ਰੂਪਨਗਰ, 21 ਸਤੰਬਰ: ਖੇਡਾਂ ਵਤਨ ਪੰਜਾਬ ਦੀਆਂ’ ਵਿਚ ਹਰ ਉਮਰ ਦੇ ਵਰਗ ਦੇ ਖਿਡਾਰੀਆਂ ਵਲੋਂ ਵੱਧ ਚੜ ਕੇ ਹਿੱਸਾ ਲਿਆ ਜਾ ਰਿਹਾ ਹੈ ਅਤੇ ਕਈ ਪੁਰਾਣੇ ਖਿਡਾਰੀਆਂ ਵਲੋਂ ਮੁੜ ਖੇਡਾਂ ਵਿਚ ਹਿੱਸਾ ਲੈਣ ਲਈ ਤਿਆਰੀਆਂ ਕੀਤੀਆਂ ਗਈਆਂ। ਜਿਸ ਨਾਲ ਇੰਨਾ ਖੇਡ ਮੁਕਾਬਲਿਆਂ ਸਦਕਾ ਅਸੀਂ ਤੰਦਰੁਸਤ ਪੰਜਾਬ ਦੇ ਟੀਚੇ ਵੱਲ ਅੱਗੇ ਵਧ ਰਿਹਾ ਹੈ।
ਅੱਜ ਨਹਿਰੂ ਸਟੇਡੀਅਮ ਵਿਖੇ ਡਾਇਬੀਟੀਜ਼ ਤੋਂ ਪੀੜਤ ਭਰਪੂਰ ਕੌਰ ਨੇ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਵਿਖੇ 50 ਸਾਲ ਵਰਗ ਦੇ 100 ਤੇ 400 ਮੀਟਰ ਰੇਸ ਵਿਚ ਪਹਿਲਾ ਸਥਾਨ ਹਾਸਲ ਕੀਤਾ ਜਿਥੇ ਉਨ੍ਹਾਂ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਉਹ ਸਾਲ 1982-83 ਵਿਚ ਸਰਕਾਰੀ ਕਾਲਜ ਵਲੋਂ ਸਟੇਟ ਅਥਲੀਟ ਵਿਚ 2000 ਮੀਟਰ ਰੇਸ ਵਿਚ ਜੇਤੂ ਰਹੇ ਸੀ।
ਸ਼੍ਰੀਮਤੀ ਭਰਪੂਰ ਕੌਰ ਨੇ ਅੱਗੇ ਦੱਸਿਆ ਕਿ ਖੇਡਾਂ ਅਤੇ ਕਸਰਤ ਤੋਂ ਦੂਰ ਹੋਣ ਕਾਰਨ ਉਹ ਡਾਇਬੀਟੀਜ਼ ਤੋਂ ਪੀੜਤ ਹੋ ਗਏ ਪਰ ਇਨ੍ਹਾਂ ਖੇਡ ਮੁਕਾਬਲੀਆਂ ਵਿਚ ਹਿੱਸਾ ਲੈਣ ਲਈ ਰੋਜ਼ਾਨਾ ਪ੍ਰੈਕਟਿਸ ਨੇ ਮੇਰੀ ਡਾਇਬੀਟੀਜ਼ ਨੂੰ ਕੰਟਰੋਲ ਕਰ ਦਿੱਤਾ।
ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਉਹ ਦਿਨ ਵਿਚ ਚਾਰ ਵਾਰ ਇਨਸੂਲਿਨ ਲਗਾਂਦੇ ਸੀ ਪਰ ਜਦੋਂ ਉਨ੍ਹਾਂ ਦੀ ਡਾਇਬੀਟੀਜ਼ ਕੰਟਰੋਲ ਹੋਈ ਤਾਂ ਹੁਣ ਉਹ ਡਾਕਟਰ ਦੀ ਸਲਾਹ ਮਗਰੋਂ ਦਿਨ ਵਿਚ ਕੇਵਲ ਇਕ ਵਾਰ ਹੀ ਇਨਸੂਲਿਨ ਲਗਾਂਦੇ ਹਨ।
ਇਸ ਮੌਕੇ ਸ਼੍ਰੀਮਤੀ ਭਰਪੂਰ ਕੌਰ ਦੇ ਪਤੀ ਹਿੰਮਤ ਸਿੰਘ ਰਿਟਾਇਰਡ ਮੈਨੇਜਰ ਯੂਕੋ ਬੈਂਕ ਅਤੇ ਭਰਾ ਸੁਖਰਾਮ ਸਿੰਘ ਸੁਪਰਡੈਂਟ ਕਸਟਮ ਵਿਭਾਗ ਅਤੇ ਪਰਵਾਰਿਕ ਮੈਂਬਰ ਹਾਜ਼ਰ ਸਨ।
ਸ਼੍ਰੀਮਤੀ ਭਰਪੂਰ ਕੌਰ ਨੇ ਵਿਸ਼ੇਸ਼ ਤੌਰ ਉੱਤੇ ਔਰਤਾਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਘਰੇਲੂ ਕੰਮਾਂ ਕਾਰਾਂ ਕਰਨ ਔਰਤਾਂ ਵਲੋਂ ਸਿਹਤ ਵਲ ਧਿਆਨ ਨਹੀਂ ਦਿੱਤਾ ਜਾਂਦਾ ਜਿਸ ਕਾਰਨ ਘਟ ਉਮਰ ਵਿਚ ਹੀ ਬਿਮਾਰੀ ਦਾ ਸ਼ਿਕਾਰ ਹੋ ਜਾਂਦੀਆਂ ਹਨ ਪਰ ਰੋਜ਼ਾਨਾ ਜੀਵਨ ਵਿਚ ਖੇਡਾਂ ਨੂੰ ਅਪਣਾ ਕੇ ਬਿਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ ਜਿਸ ਲਈ ਸਾਨੂੰ ਵਧ ਤੋਂ ਵਧ ਖੇਡਾਂ ਨਾਲ ਜੁੜਨ ਚਾਹੀਦਾ ਹੈ।
