हिंदी
Sorry, this news is not available in your requested language. Please see here.
ਹਰ ਅਧਿਆਪਕ ਨੇ ਅੱਖਰਕਾਰੀ ਮੁਹਿੰਮ ਵਿੱਚ ਵਿਖਾਈ ਭਰਪੂਰ ਦਿਲਚਸਪੀ
ਤਰਨ ਤਾਰਨ 5 ਦਸੰਬਰ :
ਸਿੱਖਿਆ ਵਿਭਾਗ ਪੰਜਾਬ ਦੀ ਅੱਖਰਕਾਰੀ ਮੁਹਿੰਮ ਨੂੰ ਸੂਬੇ ਭਰ ਚ ਭਾਰੀ ਹੁੰਗਾਰਾ ਮਿਲਿਆ ਹੈ। ਸਿੱਖਿਆ ਸਕੱਤਰ ਕ੍ਰਿਸ਼ਨ ਕੁਮਾਰ ਦੀ ਰਹਿਨੁਮਾਈ ਅਤੇ ਡੀ. ਪੀ. ਆਈ. ਐਲੀਮੈਂਟਰੀ ਲਲਿਤ ਕਿਸ਼ੋਰ ਘਈ ਤੇ ਪੜ੍ਹੋ ਪੰਜਾਬ ਦੇ ਸਟੇਟ ਕੋਆਰਡੀਨੇਟਰ ਡਾ ਦੇਵਿੰਦਰ ਸਿੰਘ ਬੋਹਾ ਦੀ ਦੇਖ ਰੇਖ ਹੇਠ ਸਮੂਹ ਜ਼ਿਲ੍ਹਿਆਂ ਵਿੱਚ ਹੋਈਆਂ ਸਫਲ ਟਰੇਨਿੰਗਾਂ ਨੇ ਰਾਜ ਭਰ ਵਿੱਚ ਨਵਾਂ ਉਤਸ਼ਾਹ ਭਰ ਦਿੱਤਾ ਹੈ,ਹਰ ਅਧਿਆਪਕ ਪੂਰੇ ਉਤਸ਼ਾਹ ਨਾਲ ਅਪਣੀ ਲਿਖਾਈ ਨੂੰ ਹੋਰ ਸੁੰਦਰ ਬਣਾਉਣ ਲਈ ਪੱਬਾ ਭਾਰ ਹੈ, ਉਨ੍ਹਾਂ ਵੱਲ੍ਹੋਂ ਖੂਬਸੂਰਤ ਪੋਸਟਰਾਂ, ਵੀਡੀਓਜ਼ ਜ਼ਰੀਏ ਅਪਣੇ ਉਤਸ਼ਾਹ, ਆਪਣੀ ਮਿਹਨਤ ਨੂੰ ਉਜਾਗਰ ਕੀਤਾ ਜਾ ਰਿਹਾ ਹੈ।
ਰਾਜ ਭਰ ਚ ਜ਼ਿਲ੍ਹਾ ਸਿੱਖਿਆ ਅਫਸਰਾਂ ਐਲੀਮੈਂਟਰੀ, ਬਲਾਕ ਸਿੱਖਿਆ ਅਫਸਰਾਂ, ਸੈਂਟਰ ਹੈੱਡ ਟੀਚਰਾਂ ਨੇ ਟਰੇਨਿੰਗਾਂ ਨੂੰ ਸਫਲ ਬਣਾਉਣ ਲਈ ਸਾਰਾ ਜ਼ੋਰ ਲਾ ਦਿੱਤਾ, ਹੈੱਡ ਟੀਚਰ ਅਤੇ ਮਿਹਨਤ ਅਧਿਆਪਕਾਂ ਨੇ ਵੀ ਸਿੱਖਿਆ ਵਿਭਾਗ ਦੀ ਇਸ ਨਿਵੇਕਲੀ ਮੁਹਿੰਮ ਲਈ ਕੋਈ ਕਸਰ ਨਹੀਂ ਰਹਿਣ ਦਿੱਤੀ। ਰਿਸੋਰਸ ਪਰਸਨਾ ਨੇ ਵੀ ਅਪਣੀ ਸੁੰਦਰ ਲਿਖਾਈ ਦੇ ਗੁਣ ਮੰਤਰ ਨੂੰ ਸਿਖਾਉਣ ਲਈ ਪੂਰੀ ਰੀਝ ਲਾ ਦਿੱਤੀ।
27 ਨਵੰਬਰ ਤੋਂ 5 ਦਸੰਬਰ ਤੱਕ ਸੱਤ ਰੋਜ਼ਾ ਵਰਕਸ਼ਾਪ ਲਗਾਈ ਦੌਰਾਨ ਜ਼ਿਲ੍ਹਾ ਤਰਨਤਾਰਨ ਵਿੱਚ ਵੀ ਇਹ ਮੁਹਿੰਮ ਜ਼ਿਲ੍ਹਾ ਸਿੱਖਿਆ ਅਫਸਰ ਐਲੀਮੈਂਟਰੀ ਸ੍ਰੀ ਸੁਸ਼ੀਲ ਕੁਮਾਰ ਅਤੇ ਡਿਪਟੀ ਡੀਈਓ ਸ੍ਰ ਪਰਮਜੀਤ ਸਿੰਘ ਦੀ ਰਹਿਨੁਮਾਈ ਹੇਠ ਸਫ਼ਲ ਰਹੀ। ਜਿਸ ਦੌਰਾਨ ਬਲਾਕ ਸਿੱਖਿਆ ਅਫਸਰਾਂ ਸ੍ਰ ਜਸਵਿੰਦਰ ਸਿੰਘ, ਸ੍ਰੀਮਤੀ ਅਨੁਰੂਪ ਬੇਦੀ, ਸ੍ਰ. ਪਰਮਜੀਤ ਸਿੰਘ, ਸ੍ਰੀਮਤੀ ਪਰਮਜੀਤ ਕੌਰ, ਸ੍ਰੀਮਤੀ ਵੀਰਜੀਤ ਕੌਰ ਅਤੇ ਜ਼ਿਲ੍ਹਾ ਕੋਆਰਡੀਨੇਟਰ ਪੜ੍ਹੋ ਪੰਜਾਬ, ਪੜ੍ਹਾਓ ਪੰਜਾਬ ਸ੍ਰ. ਨਵਦੀਪ ਸਿੰਘ ਨੇ ਵੀ ਅਪਣੀ ਟੀਮ ਨਾਲ ਟਰੇਨਿੰਗਾਂ ਦੇ ਹਰ ਪੜ੍ਹਾਅ ਨੂੰ ਸਫਲ ਬਣਾਇਆ।
ਜ਼ਿਲ੍ਹਾ ਮੀਡੀਆ ਕੋ-ਆਰਡੀਨੇਟਰ ਤਰਨਤਾਰਨ ਸ. ਪ੍ਰੇਮ ਸਿੰਘ ਵੱਲੋਂ ਇਸ ਵਰਕਸ਼ਾਪ ਸਬੰਧੀ ਰੋਜ਼ਾਨਾ ਸ਼ਾਨਦਾਰ ਪੋਸਟਰ ਬਣਾ ਕੇ ਸੋਸ਼ਲ ਮੀਡੀਆ ਰਾਹੀਂ ਜਾਰੀ ਕੀਤੇ ਗਏ। ਇਸ ਸੱਤ ਰੋਜ਼ਾ ਵਰਕਸ਼ਾਪ ਦੌਰਾਨ ਅਧਿਆਪਕਾਂ ਦੁਆਰਾ ਆਪਣੀ ਲਿਖਾਈ ਹੋਰ ਸੁੰਦਰ ਬਣਾਉਣ ਲਈ ਬਹੁਤ ਉਤਸ਼ਾਹ ਦਿਖਾਇਆ ਗਿਆ । ਅਧਿਆਪਕਾਂ ਦੁਆਰਾ ਸਿੱਖਿਆ ਵਿਭਾਗ ਪੰਜਾਬ ਦੀ ਇਸ ਕਦਮ ਲਈ ਬਹੁਤ ਸ਼ਲਾਘਾ ਕੀਤੀ ਗਈ।ਉਨ੍ਹਾਂ ਦੁਆਰਾ ਇਹ ਮੰਗ ਕੀਤੀ ਗਈ ਕਿ ਅਧਿਆਪਕਾਂ ਦੀ ਸਖਸ਼ੀਅਤ ਸੰਵਾਰਨ ਲਈ ਸਮੇਂ ਸਮੇਂ ਤੇ ਅਜਿਹੀਆਂ ਵਰਕਸ਼ਾਪ ਹੋਰ ਲਗਾਈਆਂ ਜਾਣ।
