हिंदी
Sorry, this news is not available in your requested language. Please see here.
ਕਿਸਾਨੀ ਅੰਦੋਲਨ, ਐੱਨ. ਆਰ. ਆਈਜ਼ ਦੀਆਂ ਮੁਸ਼ਕਿਲਾਂ, ਆਗਾਮੀ ਪੰਜਾਬ ਚੋਣਾਂ-2022 ਅਤੇ ਹੋਰ ਭੱਖਦੇ ਮਸਲਿਆਂ ਉੱਤੇ ਵਿਸਥਾਰ ਨਾਲ ਚਰਚਾ ਕੀਤੀ
ਤਰਨ ਤਾਰਨ, 12 ਜੂਨ 2021
ਇੰਡੀਅਨ ਓਵਰਸੀਜ਼ ਕਾਂਗਰਸ (ਨਿਊਯਾਰਕ) ਦੇ ਪ੍ਰਧਾਨ ਸ੍ਰੀ ਸੁਖਜਿੰਦਰ ਸਿੰਘ ਪੱਪੀ (ਬਦੇਸ਼ਾਂ) ਵੱਲੋਂ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਨਾਲ ਮੁਲਾਕਾਤ ਕੀਤੀ ਗਈ।ਇਸ ਦੌਰਾਨ ਉਹਨਾਂ ਵੱਲੋਂ ਕਿਸਾਨੀ ਅੰਦੋਲਨ, ਐੱਨ. ਆਰ. ਆਈਜ਼ ਦੀਆਂ ਮੁਸ਼ਕਿਲਾਂ, ਆਗਾਮੀ ਪੰਜਾਬ ਚੋਣਾਂ -2022 ਅਤੇ ਹੋਰ ਭੱਖਦੇ ਮਸਲਿਆਂ ਉੱਤੇ ਵਿਸਥਾਰ ਨਾਲ ਚਰਚਾ ਕੀਤੀ ਗਈ।
ਆਪਣੀ ਮੁਲਾਕਾਤ ਦੌਰਾਨ ਸ੍ਰੀ ਸੁਖਜਿੰਦਰ ਸਿੰਘ ਪੱਪੀ (ਬਦੇਸ਼ਾਂ) ਵੱਲੋਂ ਮੁੱਖ ਮੰਤਰੀ ਪੰਜਾਬ ਕੈਪਟਨ ਅਮਰਿੰਦਰ ਸਿੰਘ ਦੀ ਯੋਗ ਅਗਵਾਈ ਅਧੀਨ 2022 ਵਿੱਚ ਸਰਕਾਰ ਬਣਾਉਣ ਵਾਸਤੇ ਐੱਨ. ਆਰ. ਆਈਜ਼ ਵੱਲੋਂ ਪੂਰਨ ਸਹਿਯੋਗ ਦੇਣ ਦਾ ਭਰੋਸਾ ਦਿੱਤਾ ਗਿਆ।
ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਯੋਗ ਅਗਵਾਈ ਹੇਠ ਪੰਜਾਬ ਤਰੱਕੀ ਦੀਆਂ ਰਾਹਾਂ ‘ਤੇ ਜਾ ਰਿਹਾ ਹੈ, ਜਿਸ ਦਾ ਤਾਜ਼ਾ ਸਬੂਤ ਵਿੱਦਿਅਕ ਖੇਤਰ ਵਿੱਚ ਪੰਜਾਬ ਦਾ ਦੇਸ਼ ਭਰ ਵਿੱਚੋਂ ਇੱਕ ਨੰਬਰ ‘ਤੇ ਰਹਿਣਾ ਹੈ, ਜਦੋਂ ਕਿ ਪਿਛਲੀ ਸਰਕਾਰ ਸਮੇਂ ਪੰਜਾਬ 22ਵੇਂ ਨੰਬਰ ‘ਤੇ ਸੀ।
