हिंदी
Sorry, this news is not available in your requested language. Please see here.
ਫ਼ਿਰੋਜ਼ਪੁਰ, 20 ਫ਼ਰਵਰੀ 2025
ਸਥਾਨਕ ਸ਼ਹੀਦ ਭਗਤ ਸਿੰਘ ਸਟੇਟ ਯੂਨੀਵਰਸਿਟੀ ਫ਼ਿਰੋਜ਼ਪੁਰ ਵਿਖੇ 25ਵੀਂ ਐਥਲੈਟਿਕ ਮੀਟ ਦਾ ਆਯੋਯਨ ਕੀਤਾ ਗਿਆ। ਤਿੰਨ ਦਿਨ ਚੱਲੀ ਇਹ ਅਥਲੈਟਿਕ ਮੀਟ ਸੁਨਹਿਰੀ ਯਾਦਾਂ ਛੱਡਦੀ ਅੱਜ ਸਮਾਪਤ ਹੋਈ। ਇਸ ਮੌਕੇ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ ਸੁਸ਼ੀਲ ਮਿੱਤਲ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕੀਤੀ ।
ਡਾ. ਸੁਸ਼ੀਲ ਮਿੱਤਲ ਨੇ ਵਿਦਿਆਰਥੀਆਂ ਦੇ ਰੂਬਰੂ ਹੁੰਦਿਆਂ ਕਿਹਾ ਕੇ ਖੇਡਾਂ ਸਾਡੇ ਜੀਵਨ ਵਿੱਚ ਖ਼ਾਸ ਮਹੱਤਵ ਰੱਖਦੀਆਂ ਹਨ। ਇਹ ਜਿੱਥੇ ਮਨੁੱਖ ਨੂੰ ਸਰੀਰਕ ਤੌਰ ’ਤੇ ਰਿਸ਼ਟ-ਪੁਸ਼ਟ ਰੱਖਦੀਆਂ ਹਨ ਉੱਥੇ ਹੀ ਮਾਨਸਿਕ ਤੌਰ ’ਤੇ ਭੀ ਸਿਹਤਮੰਦ ਰੱਖਣ ਚ ਬਹੁਤ ਜਿਆਦਾ ਅਹਿਮ ਭੂਮਿਕਾ ਨਿਭਾਉਂਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਇਕ ਤੰਦਰੁਸਤ ਸਰੀਰ ਵਿੱਚ ਤੰਦਰੁਸਤ ਦਿਮਾਗ ਖੇਡਾਂ ਦੁਵਾਰਾ ਹੀ ਸੰਭਭ ਹੈ। ਵਿਦਿਆਰਥੀਆਂ ਨੂੰ ਖੇਡਾਂ ਲਈ ਰੋਜ਼ਾਨਾ ਸਮਾਂ ਕੱਡਣ ਲਈ ਪ੍ਰੇਰਿਆ।
ਇਸ ਤੋਂ ਪਹਿਲਾਂ ਸਪੋਰਟਸ ਵਿਭਾਗ ਦੇ ਪ੍ਰੈਸੀਡੈਂਟ ਪ੍ਰੋ ਨਵਤੇਜ ਘੁੰਮਣ ਵੱਲੋਂ ਮਾਣਯੋਗ ਵਾਈਸ ਚਾਂਸਲਰ ਨੂੰ ਜੀ ਆਇਆਂ ਕਹਿਦਿਆਂ ਉਨ੍ਹਾਂ ਨੂੰ ਗੁਲਦਸਤਾ ਭੇਂਟ ਕੀਤਾ। ਅਥਲੈਟਿਕ ਮੀਟ ਦੌਰਾਨ ਵਿਦਿਆਰਥੀਆਂ ਦੇ ਕ੍ਰਿਕਟ, ਵਾਲੀਵਾਲ, ਫੁੱਟਵਾਲ, ਚੈੱਸ, ਡਿਸਕਸ ਥਰੋ, ਜੈਵਲਿਨ ਥਰੋ, ਹਾਈ ਜੰਪ ,ਲੌਂਗ ਜੰਪ, ਰੱਸਾ ਕੱਸੀ, 800 ਮੀਟਰ, 400 ਮੀਟਰ, 200 ਮੀਟਰ, 100 ਮੀਟਰ ਦੌੜ, ਬੈਡਮਿੰਟਨ ,ਟੈਨਿਸ ਆਦਿ ਮੁਕਾਬਲੇ ਕਰਵਾਏ ਗਏ ਤੇ ਜੇਤੂ ਖਿਡਾਰੀਆਂ ਨੂੰ ਗੋਲਡ, ਸਿਲਵਰ, ਤੇ ਬ੍ਰੋਨਜ਼ ਮੈਡਲ ਨਾਲ ਸਨਮਾਨਿਤ ਕੀਤਾ ।
ਇਨਾਮ ਵੰਡ ਸਮਾਰੋਹ ਵੇਲੇ ਅੰਤਰਰਾਸ਼ਟਰੀ ਬਾਕਸਿੰਗ ਖਿਡਾਰੀ ਸ੍ਰ ਕੁਲਦੀਪ ਸਿੰਘ ਤੇ ਉਹਨਾਂ ਦੀ ਧਰਮਪਤਨੀ ਅੰਤਰਰਾਸ਼ਟਰੀ ਬਾਕਸਿੰਗ ਖਿਡਾਰੀ ਗੁਰਪ੍ਰੀਤ ਕੌਰ ਬਰਾੜ ਮੁੱਖ ਮਹਿਮਾਨ ਅਤੇ ਡਾ ਸੰਜੀਵ ਸ਼ਰਮਾ ਸੀ.ਆਈ.ਟੀ. ਇੰਡੀਅਨ ਰੇਲਵੇ ਵਿਸ਼ੇਸ਼ ਮਹਿਮਾਨ ਵਜੋਂ ਸਾਮਿਲ ਹੋਏ ਤੇ ਖਿਡਾਰੀਆਂ ਨੂੰ ਇਨਾਮ ਤਕਸ਼ੀਮ ਕੀਤੇ। ਉਹਨਾਂ ਆਪਣੇ ਭਾਸ਼ਣ ਰਾਹੀ ਆਪਣੇ ਖੇਡ ਜੀਵਨ ਦੇ ਤਜ਼ਰਬੇ ਤੇ ਖੇਡਾਂ ਚ ਆਪਣਾ ਕੈਰੀਅਰ ਬਣਾਉਣ ਦੇ ਨੁਕਤੇ ਸਾਂਝੇ ਕਰਦਿਆਂ ਵਿਦਿਆਰਥੀਆਂ ਨੂੰ ਪੜਾਈ ਦੇ ਨਾਲ ਨਾਲ ਖੇਡਾਂ ਦਿਲਚਸਪੀ ਲੈਣ ਪ੍ਰੇਰਿਤ ਕੀਤਾ। ਯੂਨੀਵਰਸਿਟੀ ਵੱਲੋਂ ਮੁੱਖ ਮਹਿਮਾਨ ਨੂੰ ਮੋਮੈਂਟੋ ਦੇ ਕੇ ਸਨਮਾਨਿਤ ਕੀਤਾ।
ਅੰਤ ਚ ਯੂਨੀਵਰਸਿਟੀ ਰਜਿਸਟਰਾਰ ਡਾ ਗਜ਼ਲਪ੍ਰੀਤ ਸਿੰਘ ਵੱਲੋਂ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਸਪੋਰਟਸ ਵਿਭਾਗ ਦੇ ਪ੍ਰੈਸੀਡੈਂਟ ਪ੍ਰੋ ਨਵਤੇਜ ਸਿੰਘ, ਸਪੋਰਟਸ ਅਫਸਰ ਡਾ ਰਾਕੇਸ਼ ਕੁਮਾਰ, ਪੋਲੀ ਵਿੰਗ ਸਪੋਰਟਸ ਅਫ਼ਸਰ ਰਜੇਸ਼ ਸਿੰਗਲਾ, ਅਸਿਟੈਂਟ ਸਪੋਰਟਸ ਅਫ਼ਸਰ ਤਲਵਿੰਦਰ ਸਿੰਘ ਤੇ ਹਰਸ਼ਵਿੰਦਰ ਸਿੰਘ, ਗੁਰਪ੍ਰੀਤ ਸਿੰਘ, ਅਮਰਜੀਤ ਸਿੰਘ, ਕਮਲ ਭੱਟੀ , ਨਵੀਨ ਚੰਦ (ਫੋਟੋਗਰਾਫੀ) ਤੋਂ ਇਲਾਵਾ ਫੈਕਲਟੀ ਤੇ ਸਟਾਫ ਵਲੋਂ ਆਯੋਜਤ ਇਸ ਸਿਲਵਰ ਜੁਬਲੀ ਐਥਲੈਟਿਕ ਮੀਟ ਨੂੰ ਵਧੀਆ ਢੰਗ ਨਾਲ ਆਯੋਜਤ ਕਰਵਾਉਣ ਤੇ ਵਧਾਈ ਦਿੱਤੀ । ਇਹਨਾਂ ਖੇਡਾਂ ਵਿੱਚ ਕੋਮਲਪ੍ਰੀਤ ਕੌਰ ਡਿਪਲੋਮਾ ਇਲੈਕਟ੍ਰੀਕਲ ਇੰਜ ਪਹਿਲਾ ਸਾਲ ਤੇ ਰੋਹਨ ਬੀ ਟੈੱਕ ਇਲੈਕਟ੍ਰੀਕਲ ਤੀਜਾ ਸਾਲ ਦੇ ਵਿਦਿਆਰਥੀ ਬੈਸਟ ਅਥਲੀਟ ਚੁਣੇ ਗਏ। ਮੰਚ ਸੰਚਾਲਨ ਦੀ ਭੂਮਿਕਾ ਪੀ ਆਰ ਓ ਸ੍ਰੀ ਯਸ਼ਪਾਲ ਵੱਲੋਂ ਬਾਖੂਬੀ ਨਿਭਾਈ ਗਈ ।
