हिंदी
Sorry, this news is not available in your requested language. Please see here.
-ਅਗਸਤ 2020 ‘ਚ ਹੋਣ ਵਾਲੀ ਰੈਲੀ ਹੁਣ ਫਰਵਰੀ 2021 ‘ਚ ਹੋਵੇਗੀ : ਡਾਇਰੈਕਟਰ ਭਰਤੀ
-ਕੋਵਿਡ ਸਮੇਂ ਦੌਰਾਨ 2019 ‘ਚ ਭਰਤੀ ਹੋਏ ਜਵਾਨਾਂ ਨੂੰ ਲਗਾਤਾਰ ਟਰੇਨਿੰਗ ‘ਤੇ ਭੇਜਿਆਂ ਗਿਆ ਕਰਨਲ ਚੰਦੇਲ
ਪਟਿਆਲਾ, 23 ਸਤੰਬਰ:
ਫ਼ੌਜ ਦੇ ਆਰਮੀ ਭਰਤੀ ਦਫ਼ਤਰ, ਪਟਿਆਲਾ ਵੱਲੋਂ ਹਰ ਸਾਲ ਕੀਤੀ ਜਾਂਦੀ ਭਾਰਤੀ ਫ਼ੌਜ ‘ਚ ਭਰਤੀ ਇਸ ਸਾਲ ਕੋਵਿਡ-19 ਕਾਰਨ ਅਗਲੇ ਸਾਲ ਤੱਕ ਮੁਲਤਵੀ ਕਰ ਦਿੱਤੀ ਗਈ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਆਰਮੀ ਭਰਤੀ ਡਾਇਰੈਕਟਰ ਕਰਨਲ ਆਰ.ਆਰ. ਚੰਦੇਲ ਨੇ ਦੱਸਿਆ ਕਿ ਹਰੇਕ ਸਾਲ ਅਗਸਤ/ਸਤੰਬਰ ਮਹੀਨੇ ਪਟਿਆਲਾ ਵਿਖੇ ਹੁੰਦੀ ਫ਼ੌਜ ਦੀ ਭਰਤੀ ਇਸ ਸਾਲ ਕੋਵਿਡ-19 ਦੇ ਵੱਧਦੇ ਮਾਮਲਿਆਂ ਨੂੰ ਦੇਖਦੇ ਹੋਏ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਫ਼ੌਜ ਦੇ ਉਚ ਅਧਿਕਾਰੀਆਂ ਵੱਲੋਂ ਲਏ ਫ਼ੈਸਲੇ ਅਨੁਸਾਰ ਅਗਸਤ 2020 ‘ਚ ਹੋਣ ਵਾਲੀ ਭਰਤੀ ਹੁਣ 7 ਤੋਂ 26 ਫਰਵਰੀ 2021 ‘ਚ ਕਰਨ ਦਾ ਫ਼ੈਸਲੇ ਕੀਤਾ ਗਿਆ ਹੈ ਅਤੇ ਜੇਕਰ ਕਿਸੇ ਤਰ੍ਹਾਂ ਦਾ ਭਰਤੀ ਤਾਰੀਖਾਂ ‘ਚ ਬਦਲਾਅ ਕੀਤਾ ਜਾਂਦਾ ਹੈ ਤਾਂ ਇਸ ਦੀ ਸੂਚਨਾ ਪਹਿਲਾਂ ਦੇ ਦਿੱਤੀ ਜਾਵੇਗੀ।
ਭਰਤੀ ਡਾਇਰੈਕਟਰ ਕਰਨਲ ਆਰ.ਆਰ. ਚੰਦੇਲ ਨੇ ਦੱਸਿਆ ਕਿ ਕੋਵਿਡ-19 ਦੌਰਾਨ ਵੀ 2019 ‘ਚ ਭਾਰਤੀ ਫ਼ੌਜ ਦਾ ਹਿੱਸਾ ਬਣੇ ਨੌਜਵਾਨਾਂ ਨੂੰ ਲਗਾਤਾਰ ਟਰੇਨਿੰਗ ‘ਤੇ ਭੇਜਿਆ ਜਾ ਰਿਹਾ ਹੈ ਅਤੇ ਕੋਵਿਡ ਦੌਰਾਨ ਵੀ 1656 ਨੌਜਵਾਨ ਆਪਣੀ ਟਰੇਨਿੰਗ ‘ਤੇ ਗਏ ਹਨ।
