हिंदी
Sorry, this news is not available in your requested language. Please see here.
ਫਿਰੋਜ਼ਪੁਰ 16 ਅਕਤੂਬਰ:
ਮੁੱਖ ਮੰਤਰੀ ਸ:ਭਗਵੰਤ ਸਿੰਘ ਮਾਨ ਦੀ ਸਰਪ੍ਰਸਤੀ ਅਧੀਨ ਅਤੇ ਸ: ਗੁਰਮੀਤ ਸਿੰਘ ਮੀਤ ਹੇਅਰ ਖੇਡ ਮੰਤਰੀ ਦੇ ਦਿਸ਼ਾ ਨਿਰਦੇਸ਼ ਅਧੀਨ ਹੋ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ ਸਟੇਟ ਲੈਵਲ ਵਿੱਚ ਫਿਰੋਜਪੁਰ ਦੀਆਂ ਲੜਕੀਆਂ ਦੀ ਅੰਡਰ-17 ਬੈਡਮਿੰਟਨ ਟੀਮ ਨੇ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ ਕਾਂਸੀ ਦੇ ਮੈਡਲ ਤੇ ਕਬਜਾ ਕੀਤਾ । ਇਹ ਖੇਡਾਂ ਮਿਤੀ 10 ਅਕਤੂਬਰ 2023 ਤੋਂ 15 ਅਕਤੂਬਰ 2023 ਤੱਕ ਬਰਨਾਲਾ ਵਿਖੇ ਲਾਲ ਬਹਾਦਰ ਸ਼ਾਸਤਰੀ ਕਾਲਜ ਦੇ ਇੰਨਡੋਰ ਬੈਡਮਿੰਟਨ ਹਾਲ ਵਿੱਚ ਹੋਈਆਂ। ਇਸ ਟੂਰਨਾਮੈਂਟ ਵਿੱਚ ਪੰਜਾਬ ਦੇ 23 ਜਿਲ੍ਹਿ੍ਆਂ ਵਿੱਚੋਂ ਲਗਭਗ 1000 ਲੜਕੀਆਂ ਨੇ ਹਿੱਸਾ ਲਿਆ। ਇਹਨਾਂ ਨੇ ਆਪਨੇ ਪੂਲ ਵਿੱਚ ਤਰਨਤਾਰਨ, ਬਰਨਾਲਾ, ਪਟਿਆਲਾ ਅਤੇ ਮੋਗਾ ਨੂੰ ਹਰਾਇਆਂ ਅਤੇ ਸੈਮੀਫਾਈਨਲ ਵਿੱਚ ਪਹੁੰਚੀਆਂ।ਫਿਰੋਜਪੁਰ ਦੀ ਟੀਮ ਵਿੱਚ ਇਨਾਯਤ , ਅਸੀਸਪ੍ਰੀਤ , ਪੰਕਿਤਾ , ਕਰਿਸ਼ਟਾ ਅਤੇ ਅਸ਼ਿੰਕਾ ਸ਼ਾਮਲ ਸਨ।
ਫਿਰੋਜਪੁਰ ਦੀ ਜਿੱਤ ਬਾਰੇ ਦੱਸਦੇ ਹੋਏ ਟੀਮ ਇੰਚਾਰਜ ਅਤੇ ਬੈਡਮਿੰਟਨ ਦੇ ਕੋਚ ਸ:ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਖੇਡਾਂ ਵਤਨ ਪੰਜਾਬ ਦੀਆਂ ਸਰਕਾਰ ਦਾ ਇਕ ਬਹੁਤ ਵਧੀਆ ਉਪਰਾਲਾ ਹੈ, ਉਹਨਾਂ ਨੇ ਕਿਹਾ ਕਿ ਫਿਰੋਜਪੁਰ ਦੀ ਇਸ ਟੀਮ ਨੇ ਪਿਛਲੀ ਵਾਰ ਵੀ ਖੇਡਾਂ ਵਤਨ ਪੰਜਾਬ ਦੀਆਂ ਵਿੱਚ ਅੰਡਰ-17 ਲੜਕੀਆਂ ਵਿੱਚ ਮੈਡਲ ਹਾਸਲ ਕੀਤਾ ਸੀ, ਉਹਨਾਂ ਨੇ ਕਿਹਾ ਕਿ ਅਗਲੇ ਸਾਲ ਉਹਨਾਂ ਦਾ ਟੀਚਾ ਗੋਲਡ ਮੈਡਲ ਲਿਆਉਣ ਦਾ ਹੈ। ਇਨਾਮ ਵੰਡ ਸਮਾਰੋਹ ਵਿੱਚ ਖੇਡ ਮੰਤਰੀ ਦੇ ਉ.ਐਸ.ਡੀ ਸ:ਹਰਮੀਤ ਸਿੰਘ, ਸ: ਰੁਪਿੰਦਰ ਸਿੰਘ ,ਜਸਪ੍ਰੀਤ ਸਿੰਘ, ਕਨਵੀਨਰ ਸ਼੍ਰੀ ਵਰੂਣ ਕੁਮਾਰ , ਹਰਜਿੰਦਰ ਸਿੰਘ ਵੜੈਚ ਤੋਂ ਇਲਾਵਾ ਮੈਡਮ ਸ਼ਕੂਰਾ ਬੇਗਮ ਹਾਜਰ ਸਨ। ਓ.ਐਸ.ਡੀ ਬਰਨਾਲਾ ਵੀ ਵਿਸ਼ੇਸ਼ ਤੋਰ ਤੇ ਹਾਜਰ ਸਨ। ਇਸ ਮੋਕੇ ਲੜਕੀਆਂ ਦੀ ਟੀਮ ਫਿਰੋਜਪੁਰ ਵਿਖੇ ਪਹੁੰਚਣ ਤੇ ਡੀ.ਐਸ.ਉ. ਸ: ਬਲਵਿੰਦਰ ਸਿੰਘ , ਕੋਚ ਸ਼੍ਰੀ ਗਗਨ ਮਾਟਾ ਅਤੇ ਸ਼੍ਰੀ ਗੁਰਮੀਤ ਸਿੰਘ ਨੇ ਟੀਮ ਨੂੰ ਵਧਾਈ ਦਿੱਤੀ।
