हिंदी
Sorry, this news is not available in your requested language. Please see here.
ਸਿਹਤ ਕਰਮਚਾਰੀ ਟੀ. ਬੀ. ਦੀ ਬਿਮਾਰੀ ਸਬੰਧੀ ਘਰ-ਘਰ ਜਾ ਕੇ ਕਰਨਗੇ ਜਾਗਰੂਕ
ਟੀ. ਬੀ. ਦੇ ਸ਼ੱਕੀ ਮਰੀਜਾਂ ਦੀ ਕੀਤੀ ਜਾਵੇਗੀ ਮੁਫਤ ਜਾਂਚ
ਤਰਨ ਤਾਰਨ, 16 ਦਸੰਬਰ :
ਸਿਵਲ ਸਰਜਨ ਤਰਨ ਤਾਰਨ ਡਾ. ਅਨੂਪ ਕੁਮਾਰ ਦੀ ਪ੍ਰਧਾਨਗੀ ਹੇਠ ਇੱਕ ਵਿਸ਼ੇਸ ਮੀਟਿੰਗ ਅਨੈਕਸੀ ਹਾਲ, ਸਿਵਲ ਹਸਪਤਾਲ ਤਰਨ ਤਾਰਨ ਵਿਖੇ ਹੋਈ ।ਇਸ ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਹੋਇਆ ਡਾ. ਅਨੂਪ ਕੁਮਾਰ ਸਿਵਲ ਸਰਜਨ ਨੇ ਦੱਸਿਆ ਕਿ ਟੀ. ਬੀ. ਦਾ ਖਾਤਮਾ ਕਰਨ ਲਈ ਪੰਜਾਬ ਸਰਕਾਰ ਵੱਲੋ ਐਕਟਿਵ ਕੇਸ ਫਾਇਡਿੰਗ ਮੁਹਿੰਮ ਤਹਿਤ ਰਾਜ ਦੇ ਸਾਰੇ ਜ਼ਿਲਿਆਂ ਵਿੱਚ 15 ਦਸੰਬਰ 2020 ਤੋਂ ਲੈ ਕੇ 14 ਜਨਵਰੀ 2021 ਤੱਕ ਚਲਾਈ ਜਾ ਰਹੀ ਹੈ । ਉਹਨਾਂ ਦੱਸਿਆ ਕਿ ਇਸ ਮੁਹਿੰਮ ਤਹਿਤ ਸਰਕਾਰੀ ਸਿਹਤ ਕਰਮਚਾਰੀ ਟੀ. ਬੀ. ਦੀ ਬਿਮਾਰੀ ਸਬੰਧੀ ਘਰ-ਘਰ ਜਾ ਕੇ ਜਾਗਰੂਕ ਕਰਨਗੇ ਅਤੇ ਟੀ. ਬੀ. ਦੇ ਸ਼ੱਕੀ ਮਰੀਜਾਂ ਦੀ ਮੁਫਤ ਜਾਂਚ ਕੀਤੀ ਜਾਵੇਗੀ ।
ਇਸ ਦੇ ਨਾਲ ਹੀ ਟੀ. ਬੀ. ਅਫਸਰ ਡਾ. ਵਿਸ਼ਾਲ ਵਰਮਾ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਦੁਆਰਾ ਟੀ. ਬੀ. ਮਰੀਜ਼ਾ ਲਈ ਵਿਸ਼ੇਸ਼ ਸਹੂਲਤਾ ਦਿੱਤੀਆ ਜਾ ਰਹੀਆਂ ਹਨ । ਉਹਨਾਂ ਦੱਸਿਆ ਕਿ ਪੰਜਾਬ ਰਾਜ ਦੇ ਸਾਰੇ ਸਰਕਾਰੀ ਹਸਪਤਾਲਾ ਵਿੱਚ ਬਲਗਮ ਦੀ ਜਾਂਚ ਮੁਫਤ ਉਪਲੱਬਧ ਹੈ, ਹਰੇਕ ਟੀ. ਬੀ. ਰੋਗੀ ਜ਼ੋ ਦਵਾਈ ਖਾ ਰਿਹਾ ਹੈ ਉਸ ਨੂੰ 500 ਰੁਪਏ ਪ੍ਰਤੀ ਮਹੀਨਾ ਸਿੱਧੇ ਲਾਭ ਟਰਾਂਸਫਰ (ਡੀ. ਬੀ. ਟੀ.) ਰਾਹੀਂ ਦਿੱਤੇ ਜਾਦੇ ਹਨ। ਇਸ ਯੋਜਨਾ ਤਹਿਤ ਮਰੀਜ਼ ਦਾ ਅਧਾਰ ਕਾਰਡ ਅਤੇ ਬੈਂਕ ਅਕਾਊਟ ਨੰਬਰ ਨਿਕਸੈ ਰਾਹੀਂ ਲਿੰਕ ਕੀਤਾ ਜਾਵੇਗਾ ।
ਉਹਨਾਂ ਕਿਹਾ ਕਿ ਟੀ. ਬੀ. ਦੀ ਸਹੀ ਅਤੇ ਜਲਦੀ ਜਾਂਚ ਲਈ ਪੰਜਾਬ ਰਾਜ ਦੇ ਸਾਰੇ 22 ਜਿਲ੍ਹਿਆਂ ਅਤੇ 3 ਪ੍ਰਾਈਵੇਟ ਕਾਲਜਾ ਵਿੱਚ ਸੀ. ਬੀ. ਨੈਟ ਮਸ਼ੀਨਾ ਸਥਾਪਤ ਕੀਤੀਆ ਗਈਆਂ ਹਨ , ਟੀ. ਬੀ. ਅਤੇ ਮਲਟੀ ਡਰੱਗ ਰਜਿਸਟੈਟ (ਐਮ. ਡੀ. ਆਰ) ਅਤਿਅੰਤ ਡਰੱਗ ਰਜਿਸਟੈਟ (ਐਕਸ. ਡੀ. ਆਰ.) ਮਰੀਜ਼ਾ ਲਈ ਦਵਾਈਆ ਅਤੇ ਜਾਚ ਸੁਵਿਧਾਵਾਂ ਪੰਜਾਬ ਰਾਜ ਦੇ ਸਾਰੇ ਸਰਕਾਰੀ ਹਸਪਤਾਲਾ ਵਿੱਚ ਮੁਫਤ ਉਪਲੱਬਧ ਹਨ।
ਡਾ. ਵਿਸ਼ਾਲ ਵਰਮਾ ਨੇ ਦੱਸਿਆ ਕਿ ਇਸ ਮੁਹਿਮ ਤਹਿਤ ਜਿਲ੍ਹੇ ਦੇ ਪੱਛੜੇ ਇਲਾਕੇ, ਸਲੱਮ ਏਰੀਆ, ਲੈਪਰੋਸੀ ਕਲੋਨੀ, ਗੁੱਜਰਾ ਦੇ ਡੇਰੇ, ਝੁੱਗੀ ਝੋਪੜੀ ਅਤੇ ਭੱਠਿਆ ਨੂੰ ਕਵਰ ਕੀਤਾ ਜਾਵੇਗਾ। ਉਹਨਾ ਦੱਸਿਆ ਕਿ ਟੀ. ਬੀ. ਦੀ ਜਾਂਚ ਅਤੇ ਇਲਾਜ ਸਰਕਾਰੀ ਸਿਹਤ ਕੇਦਰਾਂ ਸਿਵਲ ਹਸਪਤਾਲ, ਤਰਨ ਤਾਰਨ, ਸੀ. ਐਚ. ਸੀ. ਝਬਾਲ, ਸੀ. ਐਚ. ਸੀ. ਸੁਰਸਿੰਘ, ਪੀ. ਐਚ. ਸੀ. ਭਿੱਖੀਵਿੰਡ ਸੀ. ਐਚ. ਸੀ. ਖੇਮਕਰਨ, ਸਿਵਲ ਹਸਪਤਾਲ ਪੱਟੀ, ਸੀ. ਐਚ. ਸੀ. ਹਰੀਕੇ, ਸੀ. ਐਚ. ਸੀ. ਕੈਰੋ, ਸੀ. ਐਚ. ਸੀ. ਨੋਸ਼ਹਿਰਾ ਪੰਨੂੰਆ, ਸੀ. ਐਚ. ਸੀ. ਸਰਹਾਲੀ, ਪੀ. ਐਚ. ਸੀ. ਫਤਿਆਬਾਦ, ਪੀ. ਐਚ. ਸੀ. ਗੋਇੰਦਵਾਲ ਸਾਹਿਬ, ਸਿਵਲ ਹਸਪਤਾਲ ਖਡੂਰ ਸਾਹਿਬ, ਸੀ. ਐਚ. ਸੀ. ਮੀਆਵਿੰਡ, ਸੀ. ਐਚ. ਸੀ. ਘਰਿਆਲਾ, ਸੀ. ਐਚ. ਸੀ. ਕਸੇਲ ਵਿੱਚ ਮੁਫਤ ਉੱਪਲੱਬਧ ਹੈ।
ਇਸ ਮੌਕੇ ‘ਤੇ ਸੀਨੀਅਰ ਮੈਡੀਕਲ ਅਫਸਰ ਡਾ. ਰੋਹਿਤ ਮਹਿਤਾ, ਜਿਲ੍ਹਾ ਸਿਹਤ ਅਫਸਰ ਡਾ. ਅਮਨਦੀਪ ਸਿੰਘ, ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ. ਸਵਰਨਜੀਤ ਧਵਨ , ਜਿਲ੍ਹਾ ਮਾਸ ਮਾਡੀਆ ਅਫਸਰ ਸੁਖਦੇਵ ਸਿੰਘ ਅਤੇ ਦਫਤਰ ਦਾ ਸਾਰਾ ਸਟਾਫ ਮੋਜੂਦ ਸੀ ।
