हिंदी
Sorry, this news is not available in your requested language. Please see here.
ਨਵੀਂ ਦਿੱਲੀ: ਨੀਤੀ ਆਯੋਗ ਦੇ ਵਾਈਸ ਚੇਅਰਮੈਨ ਰਾਜੀਵ ਕੁਮਾਰ ਨੇ ਭਾਰਤੀ ਅਰਥਚਾਰੇ ਦੇ ਮੌਜੂਦਾ ਹਾਲਾਤ ਸਬੰਧੀ ਵੱਡਾ ਬਿਆਨ ਦਿੱਤਾ ਹੈ। ਰਾਜੀਵ ਕੁਮਾਰ ਨੇ ਕਿਹਾ ਕਿ ਅੱਜ ਪੂਰੀ ਵਿੱਤੀ ਪ੍ਰਣਾਲੀ ਜੋਖ਼ਮ ‘ਚ ਹੈ ਤੇ ਕੋਈ ਵੀ ਪਿਛਲੇ 70 ਸਾਲਾ ‘ਚ ਅਜਿਹੀ ਸਥਿਤੀ ਦੇ ਰੂਬਰੂ ਨਹੀਂ ਹਇਆ ਹੈ। ਰਾਜੀਵ ਕੁਮਾਰ ਨੇ ਕਿਹਾ ਕਿ ਪ੍ਰਾਈਵੇਟ ਸੈਕਟਰ ‘ਚ ਕੋਈ ਵੀ ਕਰਜ਼ ਦੇਣ ਨੂੰ ਤਿਆਰ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਨੋਟਬੰਦੀ ਤੇ ਜੀਐੱਸਟੀ ਤੋਂ ਬਾਅਦ ਨਕਦੀ ਦਾ ਸੰਕਟ ਵਧਿਆ ਹੈ। ਕੁਮਾਰ ਨੇ ਸਰਕਾਰ ਨੂੰ ਲੀਕ ਤੋਂ ਹੱਟ ਕੇ ਕਦਮ ਚੁੱਕਣ ਦੀ ਸਲਾਹ ਵੀ ਦਿੱਤੀ।
ਰਾਜੀਵ ਨੇ ਮੌਜੂਦਾ ਮੰਦੀ ਦੇ ਹਾਲਾਤ ਨੂੰ ਅਵਿਸ਼ਵਾਸੀ ਦੱਸਦੇ ਹੋਏ ਕਿਹਾ, ‘ਅੱਜ ਕੋਈ ਵੀ ਕਿਸੇ ‘ਤੇ ਵਿਸ਼ਵਾਸ ਨਹੀਂ ਕਰ ਰਿਹਾ ਹੈ। ਇਹ ਸਿਰਫ਼ ਸਰਕਾਰ ਤੇ ਪ੍ਰਾਈਵੇਟ ਸੈਕਟਰ ਦੀ ਗੱਲ ਨਹੀਂ ਹੈ। ਨਿੱਜੀ ਖੇਤਰ ‘ਚ ਅੱਜ ਕੋਈ ਵੀ ਕਿਸੇ ਹੋਰ ਨੂੰ ਕਰਜ਼ ਨਹੀਂ ਦੇਣਾ ਚਾਹੁੰਦਾ।’
ਰਾਜੀਵ ਕੁਮਾਰ ਨੇ ਕਿਹਾ ਕਿ ਨੋਟਬੰਦੀ, ਜੀਐੱਸਟੀ ਤੇ ਦੀਵਾਲੀਆ ਕਾਨੂੰਨ ਤੋਂ ਬਾਅਦ ਸਥਿਤੀ ਕਾਫ਼ੀ ਬਦਲ ਗਈ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਕਰੀਬ 35 ਫ਼ੀਸਦੀ ਨਕਦੀ ਉਪਲਬਧ ਹੁੰਦੀ ਸੀ, ਜਿਸ ‘ਚ ਹੁਣ ਕਾਫ਼ੀ ਕਟੌਤੀ ਆ ਗਈ ਹੈ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਕਰੀਬ 35 ਫ਼ੀਸਦੀ ਨਕਦੀ ਉਪਲਬਧ ਹੁੰਦੀ ਸੀ ਜੋ ਹੁਣ ਕਾਫ਼ੀ ਘੱਟ ਹੋ ਗਈ ਹੈ। ਇਸ ਕਾਰਨ ਹੁਣ ਹਾਲਾਤ ਕਾਫ਼ੀ ਉਲਝ ਗਏ ਹਨ।
https://twitter.com/ANI/status/1164731493626912768?ref_src=twsrc%5Etfw%7Ctwcamp%5Etweetembed%7Ctwterm%5E1164731493626912768&ref_url=https%3A%2F%2Fpunjabi.jagran.com%2Fbusiness%2Fgeneral-unprecedented-in-70-years-niti-aayog-vice-chairman-rajiv-kumar-8691150.html
ਰਾਜੀਵ ਕੁਮਾਰ ਨੇ ਕਿਹਾ ਕਿ ਸਾਲ 2009 ਤੋਂ 2014 ਦੌਰਾਨ ਬਿਨਾਂ ਸੋਚ-ਵਿਚਾਰ ਕਰਜ਼ ਵੰਡੇ ਗਏ, ਜਿਸ ਨਾਲ ਸਾਲ 2014 ਤੋਂ ਬਾਅਦ ਐੱਨਡੀਏ ‘ਚ ਵਾਧਾ ਹੋਇਆ। ਰਾਜੀਵ ਨੇ ਕਿਹਾ ਕਿ ਐੱਨਪੀਏ ਵਧਾਉਣ ਕਾਰਨ ਹੁਣ ਬੈਂਕਾਂ ਵੱਲੋਂ ਨਵਾਂ ਕਰਜ਼ ਦੇਣ ਦੀ ਸਮਰੱਥਾ ਘੱਟ ਗਈ ਹੈ। ਨਾਲ ਹੀ ਰਾਜੀਵ ਨੇ ਦੱਸਿਆ ਕਿ ਬੈਂਕਾਂ ਵੱਲੋਂ ਘੱਟ ਕਰਜ਼ ਦੇਣ ਦਾ ਮੁਆਵਜ਼ਾ ਐੱਨਬੀਐੱਫਸੀ ਨੇ ਕੀਤਾ ਹੈ। ਐੱਨਬੀਐੱਫਸੀ ਨੇ ਕਰਜ਼ ‘ਚ 25 ਫ਼ੀਸਦੀ ਦਾ ਵਾਧਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਅਰਥਚਾਰੇ ਨੂੰ ਰਫ਼ਤਾਰ ਦੇਣ ਲਈ ਹਾਲ ਹੀ ‘ਚ ਪੇਸ਼ ਹੋਏ ਬਜਟ ‘ਚ ਵੀ ਕੁਝ ਕਦਮਾਂ ਦਾ ਐਲਾਨ ਕੀਤਾ ਗਿਆ ਹੈ।
