हिंदी
Sorry, this news is not available in your requested language. Please see here.
ਤਰਨ ਤਾਰਨ, 26 ਮਈ 2021
ਸ਼੍ਰੀ ਰਾਜ ਕੁਮਾਰ ਹੰਸ ਅਤੇ ਸ੍ਰੀ ਦੀਪਕ ਕੁਮਾਰ, ਮੈਂਬਰ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਵੱਲੋਂ ਅੱਜ ਜ਼ਿਲ੍ਹੇ ਦੇ ਪਿੰਡ ਜੰਡ ਮਾਨਕੇ, ਤਹਿਸੀਲ ਪੱਟੀ ਜਿ਼ਲ੍ਹਾ ਤਰਨਤਾਰਨ ਵਿਖੇ ਬਲਜੀਤ ਸਿੰਘ ਪੁੱਤਰ ਕਰਮ ਸਿੰਘ ਵੱਲੋਂ ਕੀਤੀ ਗਈ ਸਿ਼ਕਾਇਤ ਤੇ ਦੌਰਾ ਕੀਤਾ ਗਿਆ। ਮੈਂਬਰ ਸਾਹਿਬਾਨ ਵੱਲੋਂ ਪਿੰਡ ਜੰਡ ਮਾਨਕੇ, ਵਿਖੇ ਪਹੰੁਚਣ ਉਪਰੰਤ ਸਿ਼ਕਾਇਤ ਕਰਤਾ ਬਲਜੀਤ ਸਿੰਘ ਵੱਲੋਂ ਦੱਸਿਆ ਗਿਆ ਕਿ ਪਿੰਡ ਦੇ ਕੁਝ ਬੰਦਿਆਂ ਵੱਲੋਂ ਉਸ ਦੀਆਂ 9 ਫੁੱਟ ਕੰਧਾਂ ਢਾਹ ਦਿੱਤੀਆ ਗਈਆਂ ਇਸ ਲਈ ਉਸ ਨੂੰ ਇਨਸਾਫ ਦਿਵਾਇਆ ਜਾਵੇ।
ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਮੈਂਬਰ ਸਾਹਿਬਾਨ ਵੱਲੋਂ ਇਸ ਸਬੰਧ ਇੱਕ ਵਿਸ਼ੇਸ ਜਾਂਚ ਟੀਮ (ਸਿਟ) ਬਣਾਈ ਗਈ ਹੈ, ਜਿਸ ਵਿੱਚ ਐਸ. ਡੀ .ਐਮ ਭਿੱਖੀਵਿੰਡ, ਡੀ. ਐਸ. ਪੀ. ਪੱਟੀ, ਨਾਇਬ ਤਹਿਸੀਲਦਾਰ ਪੱਟੀ ਅਤੇ ਡੀ. ਡੀ. ਪੀ. ਓ., ਤਰਨਤਾਰਨ ਸ਼ਾਮਿਲ ਹੋਣਗੇ ਅਤੇ ਇਹ ਸਿਟ ਮਾਮਲੇ ਦੀ ਇੰਨਕੁਆਰੀ ਕਰਨ ਉਪਰੰਤ ਇਸ ਦੀ ਰਿਪੋਰਟ ਮਿਤੀ 10 ਜੂਨ, 2021 ਤੱਕ ਕਮਿਸ਼ਨ ਦੇ ਦਫਤਰ ਵਿਖੇ ਭੇਜਣੀ ਯਕੀਨੀ ਬਣਾਏਗੀ ।
ਇਸ ਮੌਕੇ ਐਸ. ਡੀ. ਐਮ. ਭਿੱਖੀਵਿੰਡ, ਡੀ. ਐਸ. ਪੀ., ਪੱਟੀ, ਨਾਇਬ ਤਹਿਸੀਲਦਾਰ ਪੱਟੀ, ਤਹਿਸੀਲ ਸਮਾਜਿਕ ਨਿਆਂ ਅਤੇ ਅਧਿਕਾਰਤਾ ਅਫਸਰ ਪੱਟੀ, ਡੀ. ਡੀ. ਪੀ. ਓ. ਤਰਨਤਾਰਨ, ਐਸ. ਐਚ. ਓ., ਖੇਮਕਰਨ ਅਤੇ ਬੀ. ਡੀ. ਪੀ. ੳ. ਵਲਟੋਹਾ ਆਦਿ ਹਾਜ਼ਰ ਸਨ।
