हिंदी
Sorry, this news is not available in your requested language. Please see here.
ਮੁੱਖ ਖੇਤੀਬਾੜੀ ਅਫਸਰ ਵੱਲੋਂ ਸਵੈ ਸਹਾਇਤਾ ਗਰੁੱਪ ਦੀ ਸ਼ਲਾਘਾ
ਬਰਨਾਲਾ, 19 ਅਗਸਤ 2021
ਮੁੱਖ ਖੇਤੀਬਾੜੀ ਅਫਸਰ ਡਾ. ਚਰਨਜੀਤ ਸਿੰਘ ਕੈਂਥ ਨੇ ਖੇਤੀਬਾੜੀ ਵਿਭਾਗ ਤੇ ਆਤਮਾ ਸਟਾਫ ਵੱਲੋਂ ਆਤਮਾ ਸਕੀਮ ਤਹਿਤ ਬਣਾਏ ਗਏ ਮੁਸਕਾਨ ਸਵੈ ਸਹਾਇਤਾ ਗਰੁੱਪ ਵੱਲੋਂ ਬਣਾਏ ਜਾਂਦੇ ਉਤਪਾਦਾਂ ਦਾ ਨਿਰੀਖਣ ਕੀਤਾ ਅਤੇ ਗਰੁੱਪ ਦੀ ਸ਼ਲਾਘਾ ਕੀਤੀ।
ਇਸ ਮੌਕੇ ਗਰੁੱਪ ਦੀ ਅਗਵਾਈ ਕਰ ਰਹੇ ਰੁਪਿੰਦਰ ਕੌਰ ਨੇ ਦੱਸਿਆ ਕਿ ਇਹ ਗਰੁੱਪ 23 ਔਰਤਾਂ ਦੇ ਸਹਿਯੋਗ ਨਾਲ ਬਣਾਇਆ ਗਿਆ ਹੈ, ਜੋ ਸਫਲਤਾਪੂਰਵਕ ਕੰਮ ਕਰ ਰਿਹਾ ਹੈ ਤੇ ਵੂਲਨ ਸਾਮਾਨ ਤਿਆਰ ਕਰਦਾ ਹੈ। ਇਸ ਵਿਚ ਵੂਲਨ ਸੂਟ, ਸਵੈਟਰ, ਕੁੜਤੀਆਂ, ਬੱਚਿਆਂ ਦੇ ਸੂਟ, ਡੈਕੋਰੇਟਿਵ ਪੀਸ, ਫੋਟੋ ਫਰੇਮ, ਕੀ-ਰਿੰਗ ਤੇ ਹੋਰ ਸਾਮਾਨ ਸ਼ਾਮਲ ਹੈ। ਉਨਾਂ ਦੱਸਿਆ ਕਿ ਇਸ ਤੋਂ ਬਿਨਾਂ ਤਿਉਹਾਰਾਂ ’ਤੇ ਵਿਸ਼ੇਸ਼ ਸਮਾਨ ਤਿਆਰ ਕੀਤਾ ਜਾਂਦਾ ਹੈ, ਜਿਨਾਂ ਵਿੱਚ ਰੱਖੜੀ ਦੇ ਤਿਉਹਾਰ ’ਤੇ ਭੈਣ-ਭਰਾਵਾਂ ਦੇ ਮੋਹ ਨੂੰ ਦਰਸਾਉਂਦੇ ਸਪੈਸ਼ਲ ਚਾਕਲੇਟ ਸ਼ਾਮਲ ਹਨ।
ਮੁੱਖ ਖੇਤੀਬਾੜੀ ਅਫਸਰ ਨੇ ਦੱਸਿਆ ਕਿ ਰੁਪਿੰਦਰ ਕੌਰ ਕੈਂਸਰ ਦੇ ਮਰੀਜ਼ ਹਨ, ਪਰ ਉਨਾਂ ਹੌਸਲਾ ਨਹੀਂ ਹਾਰਿਆ ਤੇ ਸਫਲਤਾਪੂਰਬਕ ਗਰੁੱਪ ਚਲਾ ਰਹੇ ਹਨ। ਉਨਾਂ ਦੱਸਿਆ ਕਿ ਸਾਰੀਆਂ ਮਹਿਲਾਵਾਂ ਨੂੰ ਅੱਗੇ ਆਉਣ ਦੀ ਲੋੜ ਹੈ। ਉਨਾਂ ਦੱਸਿਆ ਕਿ ਮੈਡਮ ਰੁਪਿੰਦਰ ਨਾਲ ਸ੍ਰੀਮਤੀ ਕਿਰਨ ਰਾਣੀ, ਮਹਿੰਦਰ ਕੌਰ, ਰਛਪਾਲ ਕੌਰ, ਰਮਨਦੀਪ ਕੌਰ, ਕਾਂਤਾ ਰਾਣੀ, ਹਰਪਾਲ ਕੌਰ, ਸਵਰਨਜੀਤ ਕੌਰ, ਪਰਮਿੰਦਰ ਕੌਰ ਤੇ ਹੋਰ ਮੈਂਬਰ ਬੜੀ ਰੀਝ ਨਾਲ ਸਾਮਾਨ ਤਿਆਰ ਕਰਦੇ ਹਨ।
ਇਸ ਮੌਕੇ ਮੈਡਮ ਰੁਪਿੰਦਰ ਨੇ ਦੱਸਿਆ ਕਿ ਰੱਖੜੀ ਸਪੈਸ਼ਲ ਚਾਕਲੇਟ ਤੇ ਕੇਕ ਬਨਵਾਉਣ ਲਈ 98142-11101 ’ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ। ਇਸ ਮੌਕੇ ਸ੍ਰੀਮਤੀ ਸੁਨੀਤਾ ਰਾਣੀ ਕੰਪਿਊਟਰ ਪ੍ਰੋਗਰਾਮਰ, ਸ੍ਰੀਮਤੀ ਰੁਪਿੰਦਰ ਕੌਰ ਅਕਾੳਂੂਟੈਂਟ ਤੇ ਸ੍ਰੀਮਤੀ ਜਸਵੀਰ ਕੌਰ ਬੀ ਟੀ ਐਮ ਹਾਜ਼ਰ ਸਨ।
