हिंदी
Sorry, this news is not available in your requested language. Please see here.
ਗੁਰਦੀਪ ਬਾਠ ਮੇਰੇ ਖ਼ਿਲਾਫ਼ ਇਕ ਦੋਸ਼ ਵੀ ਸਾਬਤ ਕਰ ਦੇਵੇ, ਰਾਜਨੀਤੀ ਕਿ ਪਬਲਿਕ ਲਾਈਫ ਵੀ ਛੱਡ ਦੇਵਾਂਗਾ: ਹਸਨ ਭਾਰਦਵਾਜ
ਬਾਠ ਜੇ ਇੰਨਾਂ ਹੀ ਸੱਚਾ ਸੀ ਤਾਂ ਦਿਨੇ ਦੋਸ਼ ਲਗਾ ਕੇ ਰਾਤ ਨੂੰ ਫੋਨ ਕਰਕੇ ਕਿਉਂ ਮੁਆਫ਼ੀ ਮੰਗਦਾ ਕਿ ਮੈਂ ਗਲਤ ਬੋਲਿਐ: ਹਸਨ ਭਾਰਦਵਾਜ
ਟਿਕਟ ਦੀ ਲੜਾਈ ਦੀ ਸ਼ਹੀਦ ਭਗਤ ਸਿੰਘ ਤੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਸੰਘਰਸ਼ ਨਾਲ ਤੁਲਨਾ ਕਰਕੇ ਬਾਠ ਨੇ ਸ਼ਹੀਦਾਂ ਦਾ ਨਿਰਾਦਰ ਕੀਤਾ
ਬਰਨਾਲਾ, 15 ਨਵੰਬਰ 2024
ਆਪ ਆਗੂ ਅਤੇ ਮੀਤ ਹੇਅਰ ਦੇ ਓ.ਐਸ.ਡੀ. ਹਸਨ ਭਾਰਦਵਾਜ ਨੇ ਗੁਰਦੀਪ ਬਾਠ ਵੱਲੋਂ ਲਗਾਏ ਦੋਸ਼ਾਂ ਨੂੰ ਮੁੱਢੋਂ ਨਕਾਰਦਿਆਂ ਮੋੜਵਾਂ ਜਵਾਬ ਦਿੰਦਿਆਂ ਜਿੱਥੇ ਬਾਠ ਦੀ ਚੁਣੌਤੀ ਸਵੀਕਾਰੀ ਹੈ ਉੱਥੇ ਨਾਲ ਹੀ ਸਬੂਤਾਂ ਸਮੇਤ ਖੁੱਲ੍ਹੀ ਬਹਿਸ ਦਾ ਸੱਦਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਗੁਰਦੀਪ ਬਾਠ ਉਸ ਖ਼ਿਲਾਫ਼ ਇਕ ਦੋਸ਼ ਵੀ ਸਾਬਤ ਕਰ ਦੇਵੇ ਤਾਂ ਉਹ ਰਾਜਨੀਤੀ ਕਿ ਪਬਲਿਕ ਲਾਈਫ ਵਿੱਚ ਵਿਚਰਨਾ ਵੀ ਛੱਡ ਦੇਵੇਗਾ।
ਹਸਨ ਭਾਰਦਵਾਜ ਨੇ ਵੱਖ-ਵੱਖ ਥਾਵਾਂ ਉੱਪਰ ਆਪਣੇ ਸੰਬੋਧਨ ਦੌਰਾਨ ਪ੍ਰੈਸ ਦੇ ਨਾਂ ਗੱਲ ਕਰਦਿਆਂ ਕਿਹਾ ਕਿ ਇਮਾਨਦਾਰੀ ਹੀ ਉਨ੍ਹਾਂ ਦੀ ਪਾਰਟੀ ਅਤੇ ਆਗੂਆਂ ਦੀ ਤਾਕਤ ਹੈ, ਇਸ ਉੱਪਰ ਝੂਠੀ ਤੋਹਮਤ ਲਾ ਕੇ ਕੀਤਾ ਹਮਲਾ ਨਹੀਂ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।ਉਨ੍ਹਾਂ ਕਿਹਾ ਕਿ ਜੇ ਬਾਠ ਇੰਨਾਂ ਹੀ ਸੱਚਾ ਸੀ ਤਾਂ ਦਿਨੇ ਦੋਸ਼ ਲਗਾ ਕੇ ਰਾਤ ਨੂੰ ਕਿਉਂ ਫੋਨ ਕਰਕੇ ਮੁਆਫ਼ੀ ਮੰਗਦਾ ਸੀ। ਬਾਠ ਨੇ ਦਿਨੇ ਉਸ ਉੱਪਰ ਦੋਸ਼ ਲਗਾ ਕੇ ਰਾਤ ਨੂੰ ਫ਼ੋਨ ਕਰਕੇ ਕਿਹਾ ਕਿ ਉਸ ਦੀ ਇਮਾਨਦਾਰੀ ਉੱਪਰ ਕੋਈ ਸ਼ੱਕ ਨਹੀਂ ਹੈ ਅਤੇ ਉਸ ਨੇ ਗਲਤ ਦੋਸ਼ ਲਗਾਏ ਹਨ। ਇਸ ਤਰ੍ਹਾਂ ਉਹ ਖੁਦ ਹੀ ਉਸ ਉੱਪਰ ਲਗਾਏ ਦੋਸ਼ਾਂ ਤੋਂ ਵੀ ਮੁੱਕਰ ਜਾਂਦਾ ਹੈ।
ਹਸਨ ਭਾਰਦਵਾਜ ਨੇ ਕਿਹਾ ਕਿ ਚਾਰ ਮਹੀਨੇ ਪਹਿਲ਼ਾ ਲੋਕ ਸਭਾ ਚੋਣਾਂ ਵਿੱਚ ਮੀਤ ਹੇਅਰ ਦੇ ਵਿਕਾਸ ਕਾਰਜਾਂ ਦੇ ਸੋਹਲੇ ਗਾਉਣ ਵਾਲੇ ਬਾਠ ਨੂੰ ਸਿਰਫ਼ ਟਿਕਟ ਨਾ ਮਿਲਣ ਉਤੇ ਹੀ ਆਪਣੇ ਬਿਆਨਾਂ ਤੋਂ ਮੁੱਖ ਮੋੜਨਾ ਪਿਆ। ਇੱਥੋਂ ਹੀ ਉਸਦੀ ਵਿਚਾਰਧਾਰਾ ਦਾ ਪਤਾ ਲੱਗਦਾ ਹੈ।
ਆਪ ਆਗੂ ਨੇ ਕਿਹਾ ਕਿ ਜ਼ਿਲੇ ਵਿੱਚ ਤਿੰਨ ਅਹਿਮ ਪੋਸਟਾਂ ਵਿੱਚੋਂ ਦੋ ਪੋਸਟਾਂ ਹੋਣ ਦੇ ਬਾਵਜੂਦ ਵੀ ਬਾਠ ਨੂੰ ਸੰਤੁਸ਼ਟੀ ਨਹੀਂ ਹੋਈ ਤਾਂ ਐਮ ਐਲ ਏ ਬਣ ਕੇ ਕਿਵੇਂ ਸਬਰ ਕਰ ਸਕਦਾ।ਮੰਤਰੀ ਰੈਂਕ ਦੇ ਬਰਾਬਰ ਦੀ ਪੋਸਟ ਯੋਜਨਾ ਬੋਰਡ ਦਾ ਚੇਅਰਮੈਨ ਰਹਿ ਕੇ ਵੀ ਜੇ ਬਾਠ ਲੋਕਾਂ ਦੀ ਸੇਵਾ ਨਹੀਂ ਕਰ ਸਕਿਆ ਤਾਂ ਫੇਰ ਹੋਰ ਕਿਵੇਂ ਲੋਕਾਂ ਦੀ ਸੇਵਾ ਕਰ ਸਕੇਗਾ। ਉਨ੍ਹਾਂ ਕਿਹਾ ਕਿ ਟਿਕਟ ਦੀ ਲੜਾਈ ਦੀ ਸ਼ਹੀਦ ਭਗਤ ਸਿੰਘ ਤੇ ਸ਼ਹੀਦ ਕਰਤਾਰ ਸਿੰਘ ਸਰਾਭਾ ਦੇ ਸੰਘਰਸ਼ ਨਾਲ ਤੁਲਨਾ ਕਰਕੇ ਬਾਠ ਨੇ ਸ਼ਹੀਦਾਂ ਦਾ ਨਿਰਾਦਰ ਕੀਤਾ ਹੈ।
ਹਸਨ ਭਾਰਦਵਾਜ ਨੇ ਅੱਗੇ ਕਿਹਾ ਕਿ ਬਾਠ ਨੇ ਪਹਿਲੀ ਵਾਰ ਪਾਰਟੀ ਨੂੰ ਪਿੱਠ ਨਹੀਂ ਦਿਖਾਈ ਸੀ ਸਗੋਂ ਗੁਰਮੇਲ ਸਿੰਘ ਘਰਾਚੋਂ ਦੀ ਲੋਕ ਸਭਾ ਚੋਣ ਵੇਲੇ ਵੀ ਪਿੱਠ ਚ ਛੁਰਾ ਮਾਰਦਿਆਂ ਮੁੱਖ ਮੰਤਰੀ ਜੀ ਦੀ ਖੁੱਲ੍ਹੇਆਮ ਆਲੋਚਨਾ ਕਰਦਾ ਸੀ।
ਉਨ੍ਹਾਂ ਬਾਠ ਦੇ ਦੋਸ਼ਾਂ ਦਾ ਜਵਾਬ ਦਿੰਦਿਆਂ ਕਿਹਾ ਕਿ ਉਨ੍ਹਾਂ ਦੀਆਂ ਕੋਸ਼ਿਸ਼ਾਂ ਸਦਕਾ ਬਰਨਾਲਾ ਮਿਉਂਸਪੈਲਟੀ ਦੀ ਕਮਾਈ ਵਿੱਚ 13 ਤੋਂ 14 ਕਰੋੜ ਰੁਪਏ ਸਾਲਾਨਾ ਦਾ ਵਾਧਾ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਟਿਕਟ ਨਾ ਮਿਲਣ ਉੱਤੇ ਬਿਨਾਂ ਸਬੂਤਾਂ ਤੋਂ ਕਿਰਦਾਰਕੁਸ਼ੀ ਕਰਕੇ ਬਾਠ ਨੇ ਆਪਣੀ ਸ਼ਾਖ ਗਵਾਈ ਹੈ।
