हिंदी
Sorry, this news is not available in your requested language. Please see here.
ਪਹਿਲੇ ਪਲੇਸਮੈਂਟ ਕੈਂਪ ‘ਚ ਹੀ ਮਿਲੀ 24 ਹਜ਼ਾਰ ਪ੍ਰਤੀ ਮਹੀਨਾ ਦੀ ਨੌਕਰੀ : ਤਬੱਸੁਮ ਨੂਰੀ
ਹੋਰਨਾਂ ਨੂੰ ਵੀ ਜ਼ਿਲ੍ਹਾ ਰੋਜ਼ਗਾਰ ਤੇ ਕਾਰੋਬਾਰ ਬਿਊਰੋ ਵਿਖੇ ਆਪਣਾ ਨਾਮ ਦਰਜ਼ ਕਰਵਾਉਣ ਲਈ ਕੀਤੀ ਅਪੀਲ
ਪਟਿਆਲਾ, 16 ਜੂਨ 2021
ਜ਼ਿਲ੍ਹਾ ਰੋਜ਼ਗਾਰ ਤੇ ਕਾਰੋਬਾਰ ਬਿਊਰੋ ਪਟਿਆਲਾ ਨੌਜਵਾਨਾਂ ਨੂੰ ਰੋਜ਼ਗਾਰ ਤੇ ਸਵੈ ਰੋਜ਼ਗਾਰ ਦੇ ਮੌਕੇ ਪ੍ਰਦਾਨ ਕਰਕੇ ਆਤਮ ਨਿਰਭਰ ਬਣਾਉਣ ‘ਚ ਅਹਿਮ ਭੂਮਿਕਾ ਨਿਭਾਅ ਰਿਹਾ ਹੈ, ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾਂ ਬਿਊਰੋ ਵੱਲੋਂ ਲਗਾਏ ਪਲੇਸਮੈਂਟ ਕੈਂਪ ‘ਚ ਨੌਕਰੀ ਪ੍ਰਾਪਤ ਕਰਨ ਵਾਲੀ ਤਬੱਸੁਮ ਨੂਰੀ ਨੇ ਕੀਤਾ।
ਸਰਕਾਰੀ ਮਹਿੰਦਰਾ ਕਾਲਜ ਪਟਿਆਲਾ ਤੋਂ 2019 ‘ਚ ਬੀ.ਐਸ.ਸੀ. (ਨਾਨ ਮੈਡੀਕਲ) ਪਹਿਲੇ ਦਰਜੇ ‘ਚ ਪਾਸ ਕਰਨ ਵਾਲੀ ਤਬੱਸੁਮ ਨੇ ਦੱਸਿਆ ਕਿ ਇੱਕ ਦਿਨ ਮੇਰੇ ਕਾਲਜ ਵੱਲੋਂ ਸਾਰੀ ਜਮਾਤ ਦਾ ਜ਼ਿਲ੍ਹਾ ਰੋਜ਼ਗਾਰ ਤੇ ਕਾਰੋਬਾਰ ਬਿਊਰੋ ਦਾ ਦੌਰਾ ਕਰਵਾਇਆ ਗਿਆ ਅਤੇ ਸਾਰੇ ਵਿਦਿਆਰਥੀਆਂ ਨੂੰ ਬਿਊਰੋ ਵੱਲੋਂ ਚਲਾਈਆਂ ਜਾ ਰਹੀਆਂ ਸੇਵਾਵਾਂ ਜਿਸ ‘ਚ ਲਾਇਬਰੇਰੀ, ਮੁਫ਼ਤ ਇੰਟਰਨੈਟ ਸੇਵਾ, ਮੁਫ਼ਤ ਕੋਚਿੰਗ, ਨਾਮ ਦਰਜ ਕਰਨਾ, ਕੈਰੀਅਰ ਕਾਊਂਸਲਿੰਗ, ਰੋਜ਼ਗਾਰ ਮੇਲੇ, ਪਲੇਸਮੈਂਟ ਕੈਂਪ, ਮੁਫ਼ਤ ਸਕਿੱਲ ਕੋਰਸ, ਸਵੈ ਰੋਜ਼ਗਾਰ ਬਾਰੇ ਜਾਣਕਾਰੀ, ਲੋਨ ਮੇਲੇ, ਟਰੇਨਿੰਗ ਅਤੇ ਰੋਜ਼ਗਾਰ ਲਈ ਲਗਾਏ ਜਾਂਦੇ ਸੈਮੀਨਾਰਾਂ ਸਬੰਧੀ ਮਹੱਤਵਪੂਰਣ ਜਾਣਕਾਰੀ ਦਿੱਤੀ ਗਈ।
ਤਬੱਸੁਮ ਨੂਰੀ ਨੇ ਦੱਸਿਆ ਕਿ ਜ਼ਿਲ੍ਹਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ ਵਿਖੇ ਨਾਮ ਦਰਜ਼ ਕਰਵਾਉਣ ਉਪਰੰਤ ਮੈਨੂੰ ਇੱਕ ਰਜਿਸਟ੍ਰੇਸ਼ਨ ਕਾਰਡ ਬਣਾ ਕੇ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਮੇਰਾ ਫੋਨ ਨੰਬਰ ਇੱਕ ਵਟਸਐਪ ਗਰੁੱਪ ਵਿੱਚ ਵੀ ਐਂਡ ਕੀਤਾ ਗਿਆ ਤਾਂ ਜੋ ਨੌਕਰੀਆਂ ਨਾਲ ਸਬੰਧਤ ਹਰ ਪ੍ਰਕਾਰ ਦੀ ਜ਼ਰੂਰੀ ਸੂਚਨਾ ਜਿਵੇਂ ਕਿ ਸਰਕਾਰੀ ਪ੍ਰਕਾਸ਼ਿਤ ਅਸਾਮੀਆਂ, ਪਲੇਸਮੈਂਟ ਕੈਂਪ ਅਤੇ ਸੈਮੀਨਾਰ ਆਦਿ ਬਾਰੇ ਜਾਣਕਾਰੀ ਮਿਲ ਸਕੇ।
ਤਬੱਸੁਮ ਨੂਰੀ ਨੇ ਆਪਣੀ ਨੌਕਰੀ ਸਬੰਧੀ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਇੰਟਰਵਿਊ ਤੋਂ ਇੱਕ ਹਫ਼ਤਾ ਪਹਿਲਾਂ ਡੀ.ਬੀ.ਈ.ਈ., ਪਟਿਆਲਾ ਵੱਲੋਂ ਮੈਨੂੰ ਪਲੇਸਮੈਂਟ ਕੈਂਪ ਨਾਲ ਸਬੰਧਤ ਵਿਸਥਾਰਤ ਮੈਸੇਜ ਪ੍ਰਾਪਤ ਹੋਇਆ। ਜਿਸ ਵਿੱਚ ਅਕਾਲ ਅਕੈਡਮੀ ਜਿਹੀ ਨਾਮੀ ਸੰਸਥਾ ਵੱਲੋਂ ਟੀਚਿੰਗ ਅਤੇ ਨਾਨ ਟੀਚਿੰਗ ਸਟਾਫ਼ ਦੀ ਭਰਤੀ ਲਈ ਬਿਊਰੋ ਵਿਖੇ ਇੰਟਰਵਿਊ ਦਾ ਸੱਦਾ ਸੀ। ਮੈਂ ਮੈਸੇਜ ਅਨੁਸਾਰ ਪਲੇਸਮੈਂਟ ਕੈਂਪ ਵਾਲੇ ਦਿਨ ਸਹੀ ਸਮੇਂ ਉੱਤੇ ਬਿਊਰੋ ਵਿਖੇ ਪਹੁੰਚੀ। ਜੋ ਕਿ ਇਸ ਅਸਾਮੀ ਲਈ ਹੋਰ ਵੀ ਕਈ ਪ੍ਰਾਰਥੀ ਮੌਕੇ ਤੇ ਇੰਟਰਵਿਊ ਦੇਣ ਲਈ ਹਾਜ਼ਰ ਸਨ। ਇੰਟਰਵਿਊ ਉਪਰੰਤ ਮੈਨੂੰ ਫ਼ੋਨ ਅਤੇ ਈ.ਮੇਲ ਰਾਹੀ ਸੂਚਿਤ ਗਿਆ ਕਿ ਮੇਰੀ ਨਿਯੁਕਤੀ ਅਕਾਲ ਅਕੈਡਮੀ ਵਿਚ ਬਤੌਰ ਫਿਜ਼ਿਕਸ ਟੀਚਰ ਪ੍ਰਤੀ ਮਹੀਨਾ 24 ਹਜ਼ਾਰ ਰੁਪਏ ਤਨਖਾਹ ‘ਤੇ ਕਰ ਲਈ ਗਈ ਹੈ।
ਆਪਣੀ ਖੁਸ਼ੀ ਦਾ ਇਜ਼ਹਾਰ ਕਰਦਿਆ ਤਬੱਸੁਮ ਨੇ ਕਿਹਾ ਕਿ ਜ਼ਿਲ੍ਹਾ ਰੋਜ਼ਗਾਰ ਦੇ ਕਾਰੋਬਾਰ ਦੀ ਇਕ ਫੇਰੀ ਨੇ ਮੇਰੀ ਜ਼ਿੰਦਗੀ ਬਦਲ ਦਿੱਤੀ ਹੈ। ਮੈਂ ਪੰਜਾਬ ਸਰਕਾਰ ਦੁਆਰਾ ਚਲਾਏ ਜਾ ਰਹੇ ਘਰ-ਘਰ ਰੋਜ਼ਗਾਰ ਤੇ ਕਾਰੋਬਾਰ ਮਿਸ਼ਨ ਅਤੇ ਡੀ.ਬੀ.ਈ.ਈ., ਪਟਿਆਲਾ ਦੇ ਸਟਾਫ਼ ਵੱਲੋਂ ਦਿੱਤੇ ਗਏ ਸਹਿਯੋਗ ਦਾ ਦਿਲੋਂ ਧੰਨਵਾਦ ਕਰਦੀ ਹਾਂ ਅਤੇ ਹੋਰਨਾਂ ਨੌਜਵਾਨਾਂ ਨੂੰ ਅਪੀਲ ਕਰਦੀ ਹਾਂ ਕਿ ਉਹ ਆਪਣਾ ਨਾਮ ਜ਼ਿਲ੍ਹਾ ਰੋਜ਼ਗਾਰ ਅਤੇ ਕਾਰੋਬਾਰ ਬਿਊਰੋ ਵਿਖੇ ਜ਼ਰੂਰ ਦਰਜ ਕਰਵਾਉਣ। ਬਿਊਰੋ ਵੱਲੋਂ ਇੱਕੋ ਛੱਤ ਹੇਠਾਂ ਦਿੱਤੀ ਜਾ ਰਹੀਆਂ ਉਪਰੋਕਤ ਸਾਰੀਆਂ ਮੁਫ਼ਤ ਸੇਵਾਵਾਂ ਦਾ ਭਰਪੂਰ ਲਾਭ ਉਠਾਉਣ ਅਤੇ ਆਪਣੀ ਜ਼ਿੰਦਗੀ ਸਫਲ ਬਣਾਉਣ।
