हिंदी
Sorry, this news is not available in your requested language. Please see here.
–ਐਸ.ਐਮ.ਓ. ਧਨੌਲਾ ਸਮੇਤ ਜਨਰਲ ਰੋਗ ਮਾਹਿਰ, ਸਰਜਰੀ, ਔਰਤ ਰੋਗ ਮਾਹਿਰ , ਬੱਚਿਆਂ ਦੇ ਡਾਕਟਰ, ਡੈਂਟਲ ਡਾਕਟਰ, ਦੋ ਈ.ਐਮ.ਓ.ਡਾਕਟਰ ਹਨ ਤਾਇਨਾਤ
ਬਰਨਾਲਾ, 9 ਅਗਸਤ :-
ਸਿਵਲ ਸਰਜਨ ਬਰਨਾਲਾ ਡਾ. ਜਸਬੀਰ ਸਿੰਘ ਔਲਖ ਨੇ ਸਿਹਤ ਵਿਭਾਗ ਬਰਨਾਲਾ ਦੇ ਮੁਢਲੇ ਸਿਹਤ ਕੇਂਦਰ (ਪ੍ਰਾਇਮਰੀ ਹੈਲਥ ਸੈਂਟਰ) ਧਨੌਲਾ ਵਿਖੇ ਤਾਇਨਾਤ ਡਾਕਟਰਾਂ ਦਾ ਵੇਰਵਾ ਦਿੰਦਿਆਂ ਕਿਹਾ ਕਿ ਪੀ.ਐਚ.ਸੀ. ਧਨੌਲਾ ਵਿਖੇ ਸਿਹਤ ਵਿਭਾਗ ਵੱਲੋਂ ਲਗਾਤਾਰ ਸਿਹਤ ਸੇਵਾਵਾਂ ਆਮ ਲੋਕਾਂ ਨੂੰ ਮਾਹਿਰ ਡਾਕਟਰਾਂ ਰਾਹੀ ਦਿੱਤੀਆਂ ਜਾ ਰਹੀਆਂ ਹਨ ਤੇ ਸਾਰੀਆਂ ਅਸਾਮੀਆਂ ‘ਤੇ ਡਾਕਟਰ ਤਾਇਨਾਤ ਹਨ।
ਸਿਵਲ ਸਰਜਨ ਬਰਨਾਲਾ ਨੇ ਅਸਾਮੀਆਂ ਖਾਲੀ ਹੋਣ ਬਾਰੇ ਕੁਝ ਮੀਡੀਆ ਰਿਪੋਰਟਾਂ ਦਾ ਖੰਡਨ ਕਰਦਿਆਂ ਕਿਹਾ ਕਿ ਧਨੌਲਾ ਵਿਖੇ ਐਸ.ਐਮ.ਓ. ਧਨੌਲਾ ਸਮੇਤ , ਜਨਰਲ ਰੋਗਾਂ ਦੇ ਮਾਹਿਰ, ਔਰਤ ਰੋਗਾਂ ਦੇ ਮਾਹਿਰ, ਸਰਜਰੀ ਦੇ ਮਾਹਿਰ, ਬੱਚਿਆਂ ਦਾ ਮਾਹਿਰ, ਡੈਂਟਲ ਡਾਕਟਰ, ਦੋ ਈ.ਐਮ.ਓ. ਡਾਕਟਰ ਨਿਰੰਤਰ ਆਪਣੀਆਂ ਸੇਵਾਵਾਂ ਆਮ ਲੋਕਾਂ ਨੂੰ ਮੁਹੱਈਆ ਕਰਵਾ ਰਹੇ ਹਨ । ਉਨ੍ਹਾਂ ਕਿਹਾ ਕਿ ਸਰਬੱਤ ਸਿਹਤ ਬੀਮਾਂ ਤਹਿਤ ਧਨੌਲਾ ਵਿਖੇ ਸਭ ਤੋਂ ਵੱਧ ਮੁਫ਼ਤ ਇਲਾਜ ਕੀਤਾ ਗਿਆ ਹੈ ਜੋ ਕਿ ਕਾਬਿਲੇ ਤਾਰੀਫ਼ ਹੈ ।
ਡਾ. ਔਲਖ ਨੇ ਕਿਹਾ ਕਿ ਸਿਹਤ ਵਿਭਾਗ ਬਰਨਾਲਾ ਆਮ ਲੋਕਾਂ ਨੂੰ ਚੰਗੀਆਂ ਤੇ ਉੱਤਮ ਸਿਹਤ ਸੇਵਾਵਾਂ ਦੇਣ ਲਈ ਹਮੇਸ਼ਾ ਵਚਨਬੱਧ ਹੈ ਅਤੇ ਲੋਕਾਂ ਨੂੰ ਅਪੀਲ ਹੈ ਕਿ ਓਹ ਸਰਕਾਰੀ ਸਿਹਤ ਸੇਵਾਵਾਂ ਦਾ ਵੱਧ ਤੋਂ ਵੱਧ ਫ਼ਾਇਦਾ ਲੈਣ।
