ਫੋਰਟਿਸ ਹਸਪਤਾਲ ਮੋਹਾਲੀ ਨੇ ਲੱਕ ਦੀ ਹੱਡੀ ਦਾ ਸਫਲ ਇਲਾਜ ਕਰ ਕੇ 17 ਸਾਲਾ ਨੌਜਵਾਨ ਨੂੰ ਨਵਾਂ ਜੀਵਨ ਦਿੱਤਾ

ਯਮੁਨਾਨਗਰ, 21 ਜੁਲਾਈ ( )- ਫੋਰਟਿਸ ਹਸਪਤਾਲ ਮੋਹਾਲੀ ਦੇ ਹੱਡੀਆਂ ਬਾਰੇ ਵਿਭਾਗ ਦੇ ਮਾਹਿਰ ਡਾਕਟਰਾਂ ਨੇ 17 ਸਾਲਾ ਨੌਜਵਾਨ ਦੀ ਲੱਕ ਦੀ ਟੁੱਟੀ ਹੱਡੀ ਦਾ ਸਫਲ ਇਲਾਜ ਕਰ ਕੇ ਉਸ ਨੂੰ ਨਵਾਂ ਜੀਵਨ ਦਿੱਤਾ ਹੈ ਅਤੇ ਉਸ ਨੂੰ ਮੰਜੇ ਨਾਲ, ਜੁੜੇ ਰਹਿਣ ਤੋਂ ਬਚਾ ਲਿਆ ਹੈ।

ਹਸਪਤਾਲ ਦੇ ਹੱਡੀਆਂ ਬਾਰੇ ਵਿਭਾਗ ਦੇ ਸੀਨੀਅਰ ਕੰਸਲਟੈਂਟ ਡਾਕਟਰ ਸੰਦੀਪ ਗੁਪਤਾ ਨੇ ਦੱਸਿਆ ਕਿ 17 ਸਾਲਾ ਨੌਜਵਾਨ ਪਿ੍ਰਯਾਂਸ਼ੂ ਨੂੰ ਮੋਟਰ ਸਾਈਕਲ ਹਾਦਸੇ ਕਾਰਨ ਲੱਕ ਦੀ ਹੱਡੀ (ਪੈਵਲਿਸ ਬੋਨ) ਟੁੱਟਣ ਕਾਰਨ ਹਸਪਤਾਲ ਲਿਆਂਦਾ ਗਿਆ ਸੀ। ਉਨਾਂ ਦੱਸਿਆ ਕਿ ਹੱਡੀ ਕਈ ਥਾਂ ਤੋਂ ਟੁੱਟਣ ਕਾਰਨ ਇਹ ਮਰੀਜ ਦੀ ਜਿੰਦਗੀ ਲਈ ਖਤਰਾ ਬਣ ਗਈ ਸੀ। ਉਨਾਂ ਦੱਸਿਆ ਕਿ ਜੇ ਦੋ ਜਾਂ ਵੱਧ ਥਾਂ ਤੋਂ ਹੱਡੀ ਟੁੱਟ ਜਾਵੇ ਤਾਂ ਉਸ ਨੂੰ ਆਨਸਟੇਬਲ ਜਖਮ (ਫੱਟ) ਕਿਹਾ ਜਾਂਦਾ ਹੈ।

ਡਾ. ਗੁਪਤਾ ਨੇ ਦੱਸਿਆ ਕਿ ਉਨਾਂ ਦੀ ਟੀਮ ਵੱਲੋਂ ਪਿ੍ਰਯੰਸ਼ੂ ਦੀ ਹੱਡੀ ਦਾ ਆਪਰੇਸ਼ਨ ਕੀਤਾ ਗਿਆ। ਉਨਾਂ ਦੱਸਿਆ ਕਿ ਲੱਕ ਦੀ ਹੱਡੀ ਦੇ ਆਪਰੇਸ਼ਨ ਦਾ ਮਾਮਲੇ ਵਿਚ ਬਹੁਤ ਜ਼ਿਆਦਾ ਸਾਵਧਾਨੀ ਦੀ ਜਰੂਰਤ ਪੈਂਦੀ ਹੈ, ਕਿਉਂਕਿ ਮਰੀਜ਼ ਮਲ ਤਿਆਗੀ (ਗੁਦਾ) ਵਾਲੇ ਹਿੱਸੇ ਦੇ ਨੇੜੇ ਹੱਡੀ ਟੁੱਟਣ ਕਾਰਨ ਅਤੇ ਅਪਰੇਸ਼ਨ ਦੌਰਾਨ ਮਲ ਮੂਤਰ ਕਾਰਨ ਸੰਕਰਮਣ ਦਾ ਵਧੇਰੇ ਖਤਰਾ ਅਤੇ ਜੋਖਮ ਬਣ ਜਾਂਦਾ ਹੈ।

ਡਾ. ਗੁਪਤਾ ਨੇ ਦੱਸਿਆ ਕਿ ਹੱਡੀ ਦੇ ਆਪੇਸ਼ਨ ਦੌਰਾਨ ਮਰੀਜ਼ ਦੀ ਸੁਰਖਿਅਤ ਮਲ ਤਿਆਗੀ ਲਈ ਵੱਖਰੀ ਨਾਲੀ ਪਾ ਕੇ ਹੱਡੀ ਵਾਲੇ ਹਿੱਸੇ ਸੰਕਰਮਣ ਤੋਂ ਸੁਰਖਿਅਤ ਕੀਤਾ ਗਿਆ। ਉਨਾਂ ਦੱਸਿਆ ਕਿ ਆਪਰੇਸ਼ਨ ਮਗਰੋਂ ਦੋ ਦਿਨਾਂ ਬਾਅਦ ਮਰੀਜ਼ ਨੂੰ ਚਲਾਉਣਾ ਸ਼ੁਰੂ ਕੀਤਾ ਤਾਂ ਜੋ ਉਹ ਛੇਤੀ ਸਿਹਤਯਾਬ ਹੋ ਸਕੇ। ਇਸ ਤੋਂ ਬਾਅਦ ਲਗਾਤਾਰ ਫਿਜੀੳਥਰੈਪੀ ਰਾਹੀਂ ਮਰੀਜ਼ ਨੇ ਆਮ ਵਾਂਗ ਚੱਲਣਾ, ਫਿਰਨਾ ਸ਼ੁਰੂ ਕੀਤਾ। ਡਾ. ਸੰਦੀਪ ਗੁਪਤਾ ਨੇ ਦੱਸਿਆ ਕਿ ਉਨਾਂ ਨੇ ਇਸ ਸਰਜਰੀ ਤੋਂ ਪਹਿਲਾਂ ਕਈ ਮਾਹਿਰਾਂ ਨਾਲ ਸਲਾਹ ਮਸ਼ਵਰਾ ਲਿਆ। ਉਨਾਂ ਦੱਸਿਆ ਕਿ 25 ਦਿਨਾਂ ਮਗਰੋਂ ਮਰੀਜ਼ ਬਿਲਕੁਲ ਤੰਦਰੂਸਤ ਹੋ ਗਿਆ ਅਤੇ ਆਮ ਨੌਜਵਾਨਾਂ ਵਾਂਗ ਆਪਣੀ ਜਿੰਦਗੀ ਦੀ ਲੀਹ ਤੇ ਆ ਗਿਆ।