English
क्षमा करें, यह समाचार आपके अनुरोध की भाषा में उपलब्ध नहीं है। कृपया यहाँ देखें।
ਫਿਰੋਜ਼ਪੁਰ, 12 ਨਵੰਬਰ 2024
ਪੰਜਾਬ ਭਵਨ ਸਰੀ ਕੈਨੇਡਾ ਵੱਲੋਂ ਮਸਤੂਆਣਾ ਸਾਹਿਬ ਵਿਖੇ 16-17 ਨਵੰਬਰ 2024 ਨੂੰ ਦੋ ਰੋਜ਼ਾ ਅੰਤਰਰਾਸ਼ਟਰੀ ਬਾਲ ਲੇਖਕ ਕਾਨਫਰੰਸ ਕਰਵਾਈ ਜਾ ਰਹੀ ਹੈ। ਇਸ ਬਾਲ ਕਾਨਫਰੰਸ ਵਿੱਚ ਭਾਗ ਲੈਣ ਵਾਲੇ ਜ਼ਿਲ੍ਹਾ ਫ਼ਿਰੋਜ਼ਪੁਰ ਦੇ ਬਾਲ ਲੇਖਕਾਂ ਦੀ ਸਕੂਲ ਮੁਖੀਆਂ ਤੇ ਗਾਈਡ ਅਧਿਆਪਕਾਂ ਵੱਲੋਂ ਵੱਖ-ਵੱਖ ਸੰਸਥਾਵਾਂ ਵਿਚ ਤਿਆਰੀ ਪੂਰੇ ਜ਼ੋਰਾਂ ਨਾਲ ਚੱਲ ਰਹੀ ਹੈ, ਜਿਸ ਦਾ ਡਾ. ਅਮਰ ਜੋਤੀ ਮਾਂਗਟ ਮੁੱਖ ਸੰਪਾਦਕ ਵੱਲੋਂ ਜਾਇਜ਼ਾ ਲਿਆ ਗਿਆ। ਉਨ੍ਹਾਂ ਵੱਲੋਂ ਲੋੜ ਮੁਤਾਬਕ ਕਮੀਆਂ ਨੂੰ ਸੁਧਾਰਨ ਬਾਰੇ ਤੇ ਵਧੀਆ ਪੱਖਾਂ ਨੂੰ ਹੋਰ ਉਜਾਗਰ ਕਰਨ ਬਾਰੇ ਗਾਈਡ ਅਧਿਆਪਕਾਂ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਗਿਆ।
ਬਾਲ ਲੇਖਕਾਂ ਲਈ ਵਿੱਢੇ ਇਸ ਉਪਰਾਲੇ ਲਈ ਡਾ. ਮਾਂਗਟ ਨੇ ਸ਼੍ਰੀ ਮਤੀ ਮੁਨੀਲਾ ਅਰੋੜਾ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਸੈਕੰਡਰੀ ਸਿੱਖਿਆ, ਸ਼੍ਰੀ ਮਤੀ ਸੁਨੀਤਾ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਐਲੀਮੈਂਟਰੀ, ਡਾ. ਸਤਿੰਦਰ ਸਿੰਘ ਨੈਸ਼ਨਲ ਐਵਾਰਡੀ ਉਪ ਜਿਲ੍ਹਾ ਸਿੱਖਿਆ ਅਫ਼ਸਰ ਸੈ. ਸਿ., ਸ਼੍ਰੀ ਕੋਮਲ ਅਰੋੜਾ ਉਪ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਐਲੀਮੈਂਟਰੀ, ਸ. ਚਮਕੌਰ ਸਿੰਘ ਸਰਾਂ ਪ੍ਰਿੰਸੀਪਲ, ਸ. ਕਰਮਜੀਤ ਸਿੰਘ ਧਾਰੀਵਾਲ ਪ੍ਰਿੰਸੀਪਲ, ਹਰਫੂਲ ਸਿੰਘ ਪ੍ਰਿੰਸੀਪਲ, ਡਾ ਸੁਨੀਤਾ ਰੰਗਬੁਲਾ, ਸ. ਅਵਤਾਰ ਸਿੰਘ ਹੈਡਮਾਸਟਰ, ਰਮਿੰਦਰ ਕੌਰ ਮੁੱਖ ਅਧਿਆਪਕ, ਕਮਲਜੀਤ, ਕੁਲਵਿੰਦਰ ਕੌਰ, ਜਗਦੀਪ ਕੌਰ, ਮਨਦੀਪ ਕੌਰ, ਕੰਚਨ ਡੋਮਰਾ, ਦਵਿੰਦਰ ਕੌਰ, ਮੈਡਮ ਰੂਚੀ, ਸੋਨੀਆ, ਸੁਦੇਸ਼ ਰਾਣੀ, ਜਸਪ੍ਰੀਤ ਕੌਰ, ਰੀਤੂ ਸ਼ਰਮਾ, ਸ਼੍ਰੀ ਵਿਵੇਕਾਨੰਦ, ਆਦਿ ਸਾਰੇ ਸਕੂਲ ਮੁਖੀਆਂ, ਗਾਈਡ ਆਧਿਆਪਕਾਂ, ਬਾਲ ਲੇਖਕਾਂ, ਮਾਂ ਪਿਓ, ਸਾਜ਼ਿੰਦੇ ਆਦਿ ਵੱਲੋਂ ਦਿੱਤੇ ਗਏ ਸਹਿਯੋਗ ਲਈ ਆਪਣੀ ਟੀਮ ਤੇ ਸ. ਸੁੱਖੀ ਬਾਠ ਜੀ ਸਰੀ, ਕੈਨੇਡਾ ਵੱਲੋਂ ਦਿਲੋਂ ਧੰਨਵਾਦ ਕੀਤਾ ਤੇ ਮੁਕਾਬਲਿਆਂ ਲਈ ਸ਼ੁਭ ਕਾਮਨਾਵਾਂ ਦਿੱਤੀਆਂ। ਉਨ੍ਹਾਂ ਕਿਹਾ ਕਿ ਅਜਿਹੇ ਉਪਰਾਲੇ ਬਾਲ ਲੇਖਕਾਂ ਵਿੱਚ ਛੁਪੀ ਪ੍ਰਤਿਭਾ ਨੂੰ ਉਭਾਰਨ ਅਤੇ ਉਨ੍ਹਾਂ ਦੀਆਂ ਸਾਹਿਤਕ ਰੂਚੀਆਂ ਨੂੰ ਬੜ੍ਹਾਵਾ ਦੇਣ ਲਈ ਬਹੁਤ ਸਹਾਈ ਸਿੱਧ ਹੁੰਦੇ ਹਨ।
