English
क्षमा करें, यह समाचार आपके अनुरोध की भाषा में उपलब्ध नहीं है। कृपया यहाँ देखें।
ਇਸਤਰੀ ਅਤੇ ਬਾਲ ਵਿਕਾਸ ਵਿਭਾਗ ਵੱਲੋਂ ਪੋਸ਼ਣ ਮਹੀਨੇ ਸਬੰਧੀ ਕਰਵਾਇਆ ਗਿਆ ਬਲਾਕ ਪੱਧਰ ਸਮਾਗਮ
ਐਸ.ਏ.ਐਸ ਨਗਰ 21 ਸਤੰਬਰ:
ਇਸਤਰੀ ਅਤੇ ਬਾਲ ਵਿਕਾਸ ਵਿਭਾਗ ਵੱਲੋਂ ਔਰਤਾਂ ਅਤੇ ਬੱਚਿਆਂ ਨੂੰ ਸਰੀਰਕ ਤੌਰ ਤੇ ਮਜ਼ਬੂਤ ਬਣਾਉਂਣ ਅਤੇ ਸਤੁੰਲਿਤ ਖੁਰਾਕ ਸਬੰਧੀ ਜਾਗਰੂਕ ਕਰਨ ਦੇ ਮਕਸਦ ਨਾਲ ਸਰਕਲ ਮਨੌਲੀ, ਬਲਾਕ ਖਰੜ੍ਹ-2 ਵਿੱਚ ਪੋਸ਼ਣ ਮਹੀਨੇ ਸਬੰਧੀ ਬਲਾਕ ਪੱਧਰ ਸਮਾਗਮ ਕਰਵਾਇਆ ਗਿਆ । ਇਸ ਮੌਕੇ ਤੇ ਔਰਤਾਂ ਨੂੰ ਘਰ ਵਿੱਚ ਮਿਲਣ ਵਾਲੀਆਂ ਵਸਤੂਆਂ ਤੋਂ ਪੌਸਟਿਕ ਭੋਜਨ ਬਣਾਉਂਣਾ ਸਿਖਾਇਆ ਗਿਆ ।
ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਬਾਲ ਵਿਕਾਸ ਪ੍ਰੋਜੈਕਟ ਅਫ਼ਸਰ ਗੁਰਸਿਮਰਨ ਕੌਰ ਨੇ ਦੱਸਿਆ ਕਿ ਇਸ ਬਲਾਕ ਪੱਧਰੀ ਸਮਾਗਮ ਵਿੱਚ ਸਰਕਲ ਸੁਪਰਵਾਈਜ਼ਰ ਮੀਨੂੰ ਅਤੇ ਸਿਹਤ ਵਿਭਾਗ ਵੱਲੋਂ ਡਾਕਟਰ ਜੈਸਮੀਨ ਕੌਰ, ਲੇਡੀ ਹੈਲਥ ਵਿਜਟਰ (ਐਲ.ਐਚ.ਵੀ) ਪੁਸ਼ਪਿੰਦਰ ਕੌਰ,ਵੱਖ-ਵੱਖ ਪਿੰਡਾਂ ਤੋਂ ਆਈਆਂ ਆਂਗਣਵਾੜੀ ਵਰਕਰਜ਼ ਅਤੇ ਆਸ਼ਾ ਵਰਕਰਜ਼ ਨੇ ਭਾਗ ਲਿਆ ।
ਸ੍ਰੀਮਤੀ ਗੁਰਸਿਮਰਨ ਕੌਰ ਨੇ ਮਾਂ ਦੇ ਦੁੱਧ ਦੀ ਮਹੱਤਤਾ ਬਾਰੇ ਅਤੇ 6 ਮਹੀਨੇ ਤੋਂ ਉਪਰ ਦੇ ਬੱਚਿਆ ਲਈ ਓਪਰੀ ਖੁਰਾਕ ਸ਼ੁਰੂ ਕਰਨ ਦੀ ਮਹੱਹਤਾ ਬਾਰੇ ਦੱਸਿਆ । ਇਸ ਤੋਂ ਇਲਾਵਾ ਔਰਤਾਂ ਅਤੇ ਬੱਚਿਆਂ ਵਿੱਚ ਅਨੀਮੀਆਂ ਨੂੰ ਦੂਰ ਕਰਨ ਲਈ ਪੌਸਟਿਕ ਖੁਰਾਕ ਖਾਣ ਦੀ ਜਾਣਕਾਰੀ ਦਿੱਤੀ । ਇਸ ਸਮਾਗਮ ਵਿੱਚ ਬਾਹਰਲੇ ਭੋਜਨ ਦੀ ਵਰਤੋਂ ਨੂੰ ਬੰਦ ਕਰਕੇ ਘਰ ਵਿੱਚ ਘੱਟ ਕੀਮਤ ਵਾਲਾ ਖਾਣਾ ਬਣਾ ਕੇ ਦਿਖਾਇਆ ਗਿਆ ਅਤੇ ਉਹਨਾਂ ਦੀ ਮਹੱਹਤਾ ਦੱਸੀ ਗਈ ।
ਪੋਸ਼ਣ ਮਹੀਨੇ ਤਹਿਤ ਸਿਹਤ ਵਿਭਾਗ ਵੱਲੋਂ ਡਾਕਟਰ ਸ੍ਰੀਮਤੀ ਜੈਸਮੀਨ ਕੌਰ ਨੇ ਸਿਹਤ ਅਤੇ ਪੌਸ਼ਣ ਸਬੰਧੀ ਜਾਣਕਾਰੀ ਦਿੱਤੀ। ਸ੍ਰੀਮਤੀ ਮੀਨੂੰ ਨੇ ਪੋਸ਼ਣ ਮਾਹ ਦੇ ਚੱਲ ਰਹੇ ਪ੍ਰੋਗਰਾਮ ਅਨੁਸਾਰ ਗਰਭਵਤੀ ਔਰਤਾਂ ਅਤੇ ਦੁੱਧ ਪਿਲਾਉਂਣ ਵਾਲੀਆਂ ਮਾਵਾਂ ਨੂੰ ਪੋਸਟਿਕ ਆਹਾਰ ਸਬੰਧੀ ਜਾਣਕਾਰੀ ਦਿੱਤੀ ਅਤੇ ਸਲਾਹ ਮਸ਼ਵਰਾ ਕੀਤਾ ।
