ਦਰਖੱਤ ਨਾਲ ਬੰਨ ਕੇ ਦਲਿਤ ਦੀ ਪਿਟਾਈ ਅਤੇ ਪ੍ਰਾਈਵੇਟ ਪਾਰਟ ’ਤੇ ਪ੍ਰਹਾਰ ਐਸਸੀ ਕਮੀਸ਼ਨ ਨੇ ਉਤਰ ਪ੍ਰਦੇਸ਼ ਸਰਕਾਰ ਨੂੰ ਜਾਰੀ ਕੀਤਾ ਨੋਟਿਸ

ਉਤਰ ਪ੍ਰਦੇਸ਼ ਦੇ ਮੁੱਖ ਸਕੱਤਰ, ਡੀਜੀਪੀ ਅਤੇ ਕਾਨੁਪਰ ਦਿਹਾਤੀ ਦੇ ਡੀਐਮ ਅਤੇ ਐਸਐਸਪੀ ਤੋਂ ਤੁਰੰਤ ਮੰਗਿਆ ਜਵਾਬ
ਦਰਖੱਤ ਨਾਲ ਬੰਨ ਕੇ ਦਲਿਤ ਦੀ ਪਿਟਾਈ ਅਤੇ ਪ੍ਰਾਈਵੇਟ ਪਾਰਟ ’ਤੇ ਪ੍ਰਹਾਰ ਐਸਸੀ ਕਮੀਸ਼ਨ ਨੇ ਉਤਰ ਪ੍ਰਦੇਸ਼ ਦੇ ਮੁੱਖ ਸਕੱਤਰ, ਡੀਜੀਪੀ ਅਤੇ ਕਾਨੁਪਰ ਦਿਹਾਤੀ ਦੇ ਡੀਐਮ ਅਤੇ ਐਸਐਸਪੀ ਤੋਂ ਤੁਰੰਤ ਮੰਗਿਆ ਜਵਾਬ

ਚੰਡੀਗੜ, 10 ਜੁਲਾਈ ( )- ਉਤਰ ਪ੍ਰਦੇਸ਼ ਦੇ ਜਿਲਾ ਕਾਨਪੁਰ ਦਿਹਾਤੀ ਅਧੀਨ ਆਉਂਦੇ ਅਕਬਰਪੁਰ ਖੇਤਰ ਦੇ ਪਿੰਡ ਵਿਚ ਇਕ ਦਲਿਤ ਨੂੰ ਨਾ ਸਿਰਫ ਦਰਖੱਤ ਨਾਲ ਬੰਨ ਕੇ ਕੁੱਟਿਆ ਗਿਆ, ਬਲਕਿ ਉਸ ਨੂੰ ਅਣਮਨੁੱਖੀ ਤਸ਼ਦੱਦ ਵੀ ਦਿੱਤੇ ਗਏ, ਇਸ ਮਾਮਲੇ ਨੂੰ ਧਿਆਨ ਵਿਚ ਰੱਖਦਿਆਂ ਰਾਸ਼ਟਰੀ ਅਨੁਸੂਚਿਤ ਜਾਤੀ ਕਮੀਸ਼ਨ ਦੇ ਚੇਅਰਮੈਨ ਵਿਜੈ ਸਾਂਪਲਾ ਦੇ ਆਦੇਸ਼ਾਂ ’ਤੇ ਉਤਰ ਪ੍ਰਦੇਸ਼ ਸਰਕਾਰ ਨੂੰ ਨੋਟਿਸ ਜਾਰੀ ਕਰ ਕੇ ਤੁਰੰਤ ਜਵਾਬ ਮੰਗਿਆ ਹੈ।
ਸੋਸ਼ਲ ਮੀਡੀਆ (ਟਵਿਟਰ) ਦੇ ਰਾਹੀਂ ਰਾਸ਼ਟਰੀ ਅਨੁਸੂਚਿਤ ਜਾਤੀ ਨੂੰ ਮਿਲੀ ਸ਼ਿਕਾਇਤ ਮੁਤਾਬਿਕ ਜਿਲਾ ਕਾਨਪੁਰ ਦੇਹਾਤ ਦੇ ਰਹਿਣ ਵਾਲੇ ਇਕ ਦਲਿਤ ਯੁਵਕ ਨੂੰ ਦਰਖੱਤ ਨਾਲ ਬੰਨ ਕੇ ਉਸਦੀ ਪਿਟਾਈ ਕੀਤੀ ਗਈ ਅਤੇ ਉਸ ਦੇ ਪ੍ਰਾਈਵੇਟ ਅੰਗਾਂ ’ਤੇ ਡੰਡੇ ਮਾਰੇ ਗਏ। ਕਮੀਸ਼ਨ ਨੂੰ ਮਿਲੀ ਜਾਣਕਾਰੀ ਮੁਤਾਬਿਕ ਅਕਬਰਪੁਰ ਖੇਤਰ ਦੇ ਇਕ ਪਿੰਡ ਵਿਚ ਕੁੜੀ ਨੂੰ ਮਿਲਣ ਗਏ ਪ੍ਰੇਮੀ ਨੂੰ ਘਰ ਵਾਲੀਆਂ ਅਤੇ ਪਿੰਡ ਵਾਸੀਆਂ ਨੇ ਫੜ ਲਿਆ। ਇਸ ਤੋਂ ਬਾਅਦ ਉਸ ਨੂੰ ਦਰਖੱਤ ਨਾਲ ਕਪੜੇ ਨਾਲ ਬੰਨ ਦਿੱਤਾ ਅਤੇ ਡੰਡੇ ਮਾਰੇ ਗਏ, ਨਾਲ ਹੀ ਲੱਕੜ ਦੇ ਮੰਜੇ ’ਤੇ ਵੀ ਲਿਟਾ ਕੇ ਕੁੱਟਿਆ। ਡੰਡੇ ਨਾਲ ਉਸ ਦੇ ਪ੍ਰਾਈਵੇਟ ਅੰਗਾਂ ’ਤੇ ਵਾਰ ਕੀਤਾ ਗਿਆ। ਘਟਨਾ ਦਾ ਵੀਡੀਓ ਇੰਟਰਨੈਟ ਮੀਡੀਆ ’ਤੇ ਵਾਈਰਲ ਹੋ ਗਿਆ।
ਰਾਸ਼ਟਰੀ ਅਨੁਸੂਚਿਤ ਜਾਤੀ ਕਮੀਸ਼ਨ ਨੇ ਉਤਸ ਪ੍ਰਦੇਸ਼ ਸਰਕਾਰ ਦੇ ਮੁੱਖ ਸਕੱਤਰ, ਉਤਰ ਪ੍ਰਦੇਸ਼ ਪੁਲੀਸ ਦੇ ਡੀਜੀਪੀ ਅਤੇ ਕਾਨਪੁਰ ਦਿਹਾਤੀ ਦੇ ਡੀਐਮ ਅਤੇ ਐਸਐਸਪੀ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਮਾਮਲੇ ਦੀ ਜਾਂਚ ਕਰ ਕੇ ਐਕਸ਼ਨ ਟੇਕਨ ਰਿਪੋਰਟ ਕਮੀਸ਼ਨ ਨੂੰ ਤੁਰੰਤ ਫੈਕਸ ਜਾਂ ਫਿਰ ਈਮੇਲ ਰਾਹੀਂ ਭੇਜਣ ਦੇ ਆਦੇਸ਼ ਦਿੱਤੇ ਗਏ ਹਨ।
ਸਾਂਪਲਾ ਨੇ ਕਿਹਾ ਕਿ ਭਾਰਤ ਦੇ ਅਨੁਸੂਚਿਤ ਜਾਤੀ ਨਾਲ ਸਬੰਧਤ ਲੋਕਾਂ ਨੂੰ ਦੇਸ਼ ਦੇ ਸੰਵਿਧਾਨ ਮਿਲੇ ਅਧਿਕਾਰੀਆਂ ਨੂੰ ਸੁਨਿਸ਼ਿਚਤ ਕਰਨਾ ਕਮੀਸ਼ਨ ਦੇ ਚੇਅਰਮੈਨ ਦੇ ਨਾਤੇ ਮੇਰਾ ਕਰਤੱਵ ਹੈ।
ਸਾਂਪਲਾ ਨੇ ਅੰਤ ਵਿਚ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਜਿਨਾਂ ਅਫਸਰਾਂ ਨੂੰ ਕਮੀਸ਼ਨ ਨੇ ਨੋਟਿਸ ਜਾਰੀ ਕੀਤਾ ਹੈ, ਜੇਕਰ ਉਨਾਂ ਤੁਰੰਤ ਜਵਾਬ ਨਹੀਂ ਦਿੱਤਾ ਤਾਂ ਸੰਵਿਧਾਨ ਦੀ ਧਾਰਾ 338 ਦੇ ਤਹਿਤ ਮਿਲੀ ਸਿਵਿਲ ਕੋਰਟ ਦੀ ਪਾਵਰ ਦਾ ਇਸਤੇਮਾਲ ਕਰਦਿਆਂ ਸਬੰਧਤ ਅਧਿਕਾਰੀਆਂ ਨੂੰ ਵਿਅਕਤੀਗਤ ਤੌਰ ’ਤੇ ਕਮੀਸ਼ਨ ਦੇ ਅੱਗੇ ਮੌਜੂਦ ਹੋਣ ਦੇ ਸੰਮਨ ਜਾਰੀ ਕਰੇਗਾ।