English
ਗੁਰਦਾਸਪੁਰ,14,ਮਈ ( ) ਦਰਜਨ ਦੇ ਕਰੀਬ ਦਲਿਤ ਪ੍ਰੀਵਾਂਰਾਂ ਨੇ ਪੰਜਾਬ ਰਾਜ ਐਸਸੀ ਕਮਿਸ਼ਨ ਦੇ ਮੈਂਬਰ ਡਾ ਟੀ.ਐਸ.ਸਿਆਲਕਾ ਨੂੰ ਮਿਲਕੇ ਗ੍ਰਾਮ ਪੰਚਾਇਤ ਪਿੰਡ ਬੋਝੇ ਅਤੇ ਸਰਕਾਰੀ ਅਮਲੇ ਦੇ ਖਿਲਾਫ ਦਿੱਤੀ ਸ਼ਿਕਾਇਤ ‘ਚ ਅਣਸੁਣਿਆਂ ਕਰਨ ਅਤੇ ਗੰਦੇ ਪਾਣੀ ਦੀ ਨਿਕਾਸੀ ਤੇ ਰੋਕ ਲਗਾਉਂਣ ਦਾ ਮੁੱਦਾ ਉਠਾਇਆ ਹੈ।
ਚੇਤੇ ਰਹੇ ਕਿ ਬਲਾਕ ਸ਼੍ਰੀ ਹਰਗੋਬਿੰਦਪੁਰ ਦੇ ਪਿੰਡ ਬੋਝੇ ਦੇ ਵਸਨੀਕ ਦਰਜਨ ਦੇ ਕਰੀਬ ਅਨੁਸੂਚਿਤ ਜਾਤੀ ਦੇ ਨਾਲ ਸਬੰਧਿਤ ਪ੍ਰੀਵਾਂਰਾਂ ਨੇ ਪੰਚਾਇਤ ਦੁਆਰਾ ਦਲਿਤਾਂ ਦੇ ਘਰਾਂ ਦੇ ਸਾਹਮਣੇ ਗਲੀ ਦਾ ਲੇਵਲ ਸਾਢ੍ਹੇ 3 ਫੁੱਟ ਉੱਚਾ ਕਰਕੇ ਘਰਾਂ ਚੋਂ ਨਿਕਲਣ ਵਾਲਾ ਗੰਦੇ ਪਾਣੀ ਦੀ ਨਿਕਾਸੀ ਪ੍ਰਭਾਵਿਤ ਹੋਣ ਤੇ ਦਲਿਤਾਂ ਨੂੰ ਅਣ-ਸੁਣਵਾਈ ਕਰਨ ਦਾ ਰੋਸ ਪੰਜਾਬ ਰਾਜ ਐਸਸੀ ਕਮਿਸ਼ਨ ਕੋਲ ਕੀਤਾ ਹੈ।
ਅੱਜ ਇਥੇਂ ਪ੍ਰਭਾਵਿਤ ਦਲਿਤ ਪ੍ਰੀਵਾਂਰਾਂ ਦੇ ਮੁੱਖੀ ਸ੍ਰ ਗੁਰਨਾਮ ਸਿੰਘ,ਸਵਰਨ ਸਿੰਘ,ਗੁਰਮੀਤ ਕੌਰ,ਬਲਵਿੰਦਰ ਕੌਰ,ਲਖਵਿੰਦਰ ਸਿੰਘ,ਕਵਲਜੀਤ ਕੌਰ,ਭਜਨ ਸਿੰਘ ਅਤੇ ਰਣਜੀਤ ਸਿੰਘ ਆਦਿ ਨੇ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਮੈਂਬਰ ਡਾ ਤਰਸੇਮ ਸਿੰਘ ਸਿਆਲਕਾ ਨੂੰ ਮਿਲਣ ਉਪਰੰਤ ਦਿੱਤੀ ਲਿਖਤੀ ਸ਼ਿਕਾਇਤ ‘ਚ ਬਲਾਕ ਸ੍ਰੀ ਹਰਗੋਬਿੰਦਪੁਰ ਦੇ ਅਮਲੇ ਅਤੇ ਗ੍ਰਾਮ ਪੰਚਾਇਤ ਪਿੰਡ ਬੋਝੇ ਵੱਲੋਂ ਦਲਿਤਾਂ ਨਾਲ ਵਿਤਕਰਾਂ ਕਰਨ, ਘਰਾਂ ਚੋਂ ਨਿਕਲਣ ਵਾਲੇ ਗੰਦੇਂ ਪਾਣੀ ਦੀ ਨਿਕਾਸੀ ਨੂੰ ਪ੍ਰਭਾਵਿਤ ਕਰਨ,ਗਲੀ ਦਾ ਲੇਵਲ ਘਰਾਂ ਨਾਲੋਂ ਜ਼ਿਆਦਾ ਉੱਚਾ ਕਰਕੇ ਲਾਂਘੇਂ ਨੂੰ ਪ੍ਰਭਾਵਿਤ ਕਰਦਿਆਂ ਦਲਿਤ ਪ੍ਰੀਵਾਂਰਾਂ ਨੂੰ ‘ਗੰਦਗੀ’ ‘ਚ ਰਹਿਣ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ। ਸ਼ਿਕਾਇਤ ਕਰਤਾਂਵਾਂ ਨੇ ਪ੍ਰੈਸ ਨੂੰ ਦਸਿਆ ਕਿ ਬਾਰਸ਼ਾਂ ਵੇਲੇ ਸਾਡੇ ਘਰਾਂ ‘ਚ ਤਾਂ ਪਾਣੀ ਭਰਨਾ ਹੀ ਹੈ, ਹੁਣ ਲੈਟਰੀਨ,ਬਾਥਰੂਮ ਦਾ ਪਾਣੀ ਅਸੀ ਘਰਾਂ ‘ਚ ਸਟੋਰ ਕਰਕੇ ਕਈ ਤਰ੍ਹਾਂ ਦੀਆਂ ਭਿਆਨਕ ਬਿਮਾਰੀਆਂ ਨੂੰ ਸੱਦਾ ਦੇ ਰਹੇ ਹਾਂ, ਉਨ੍ਹਾਂ ਨੇ ਕਿਹਾ ਕਿ ਸਾਡੀ ਕਿਤੇ ਕੋਈ ਸੁਣਵਾਈ ਨਹੀਂ ਹੋ ਰਹੀ ਸੀ ਜਿਸ ਕਰਕੇ ਅਸੀ ਆਪਣੀ ਫਰਿਆਦ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਮੈਂਬਰ ਡਾ ਤਰਸੇਮ ਸਿੰਘ ਸਿਆਲਕਾ ਨੂੰ ਮਿਲਕੇ ਆਪਣੇ ਨਾਲ ਹੋ ਰਹੀ ਜ਼ਿਆਦਤੀ ਦਾ ਖੁਲਾਸਾ ਕਰ ਦਿੱਤਾ ਹੈ।
ਡਾ ਤਰਸੇਮ ਸਿੰਘ ਸਿਆਲਕਾ ਨੇ ਲਿਆਂ ਗੰਭੀਰ ਨੋਟਿਸ : ਪੰਜਾਬ ਰਾਜ ਐਸਸੀ ਕਮਿਸ਼ਨ ਦੇ ਮੈਂਬਰ ਡਾ ਸਿਆਲਕਾ ਨੇ ਸ਼ਿਕਾਇਤ ਕਰਤਾਂਵਾਂ ਨੂੰ ਸੁਣਨ ਉਪਰੰਤ ਮੌਕੇ ਤੇ ਜ਼ਿਲ੍ਹਾ ਪ੍ਰਸ਼ਾਸ਼ਨ ਨਾਲ ਫੋਨ ਤੇ ਹਦਾਇਤਾਂ ਦੇਣ ਤੋਂ ਬਾਅਦ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਬੜਾ ਹੀ ਸੰਜੀਦਾ ਮਸਲਾ ਕਮਿਸ਼ਨ ਦੇ ਧਿਆਨ ‘ਚ ਲਿਆਂਦਾ ਗਿਆ ਹੈ। ਜਿਸ ‘ਚ ਦਰਜਨ ਦੇ ਕਰੀਬ ਦਲਿਤ ਪ੍ਰੀਵਾਂਰਾਂ ਨਾਲ ਜ਼ਿਆਦਤੀ ਹੋਣ ਬਾਰੇ ਕੀਤੇ ਖੁਲਾਸੇ ਅਤੇ ਗੰਦੇਂ ਪਾਣੀ ਦੀ ਨਿਕਾਸੀ ਤੇ ਲਗਾਈ ਰੋਕ ਸੰਗੀਨ ਅਪਰਾਧ ਹੈ। ਕਮਿਸ਼ਨ ਪਿੰਡ ਬੌਝੇ ਵਿਖੇ ਮੋਕਾ ਮੁਆਇਨਾ ਕਰਨ ਲਈ ਪੰਜਾਬ ਰਾਜ ਐਸਸੀ ਕਮਿਸ਼ਨ ਦੀ ਮਾਣਯੋਗ ਚੇਅਰਪਰਸਨ ਸ਼੍ਰੀਮਤੀ ਤੇਜਿੰਦਰ ਕੌਰ ਰਿਟਾ. ਆਈ.ਏ.ਐਸ. ਦੇ ਨਾਲ ਚਰਚਾ ਕਰੇਗਾ ਅਤੇ ਕਮਿਸ਼ਨ ਦੀ ਟੀਮ ਪਿੰਡ ਪਹੁੰਚ ਕੇ ਦਲਿਤ ਪੀੜਤ ਪ੍ਰੀਵਾਂਰਾਂ ਦੀ ਸੁਣਵਾਈ ਕਰੇਗਾ।
ਫੋਟੋ ਕੈਪਸ਼ਨ : ਪੰਜਾਬ ਰਾਜ ਐਸਸੀ ਕਮਿਸ਼ਨ ਦੇ ਮੈਂਬਰ ਡਾ ਤਰਸੇਮ ਸਿੰਘ ਸਿਆਲਕਾ ਪਿੰਡ ਬੋਝੇ੍ਹ ਦੇ ਸ਼ਿਕਾਇਤ ਕਰਤਾਂਵਾਂ ਤੋਂ ਸ਼ਿਕਾਇਤ ਪ੍ਰਾਪਤ ਕਰਦੇ ਹੋਏ,ਨਾਲ ਹਨ ਡਾ ਸਿਆਲਕਾ ਦੇ ਪੀਆਰਓ ਸ੍ਰ ਸਤਨਾਮ ਸਿੰਘ ਗਿੱਲ ਤੇ ਕਈ ਹੋਰ।
