English
ਅੰਮ੍ਰਿਤਸਰ, 22 ਅਕਤੂਬਰ:
11 ਪੰਜਾਬ ਬਟਾਲੀਅਨ ਐਨ.ਸੀ.ਸੀ ਦੇ ਕਮਾਡਿੰਗ ਅਫਸਰ ਕਰਨਲ ਬਰਿੰਦਰ ਕੁਮਾਰ ਦੀ ਅਗਵਾਹੀ ਵਿੱਚ ਭਗਵਾਨ ਵਾਲਮੀਕਿ ਉਦਯੋਗਿਕ ਸਿਖਲਾਈ ਕੇਦਰ ਰਾਮਤੀਰਥ ਵਿੱਚ ਦਸ ਰੋਜਾ ਸਲਾਨਾ ਟਰੇਨਿੰਗ ਕੈਂਪ ਬੜੇ ਹੀ ਸ਼ਾਨਦਾਰ ਤਰੀਕੇ ਨਾਲ ਚੱਲ ਰਿਹਾ ਹੈ। ਜਿਸ ਵਿੱਚ ਐਨ.ਸੀ.ਸੀ ਕੈਡਿਟਾਂ ਨੂੰ ਸਰਵ-ਪੱਖੀ ਵਿਕਾਸ ਸਬੰਧੀ ਕਰਵਾਈਆਂ ਜਾ ਰਹੀਆਂ ਅਨੇਕਾ ਹੀ ਗਤੀਵਿਧੀਆ ਜਿਸ ਵਿੱਚ ਕੈਡਿਟਾਂ ਨੂੰ ਡ੍ਰਿੱਲ, ਹਥਿਆਰਾਂ ਸਬੰਧੀ ਸਿਖਲਾਈ, ਸਰੀਰਿਕ ਤੰਦਰੁਸਤੀ ਸੰਬੰਧੀ ਗਤੀਵਿਧੀਆ ਤੋ ਇਲਾਵਾ ਨੈਤਿਕ ਸਿਖਿਆ ਨਾਲ ਸੰਬਧਿਤ ਕਲਾਸਾ ਲਗਾ ਕੇ ਕੈਡਿਟਾਂ ਦੇ ਸਰਵਪੱਖੀ ਵਿਕਾਸ ਵੱਲ ਵਿਸ਼ੇਸ ਧਿਆਨ ਦਿੱਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਸਾਈਬਰ ਕ੍ਰਾਇੰਮ, ਹੈਲਥ ਅਤੇ ਹਾਈਜ਼ੀਨ, ਬੈਲੇਂਸ ਡਾਈਟ ਸਬੰਧੀ ਵਿਸ਼ੇਸ਼ ਮਾਹਿਰਾ ਨੂੰ ਬੁਲਾ ਕੇ ਬੱਚਿਆ ਨੂੰ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਖੇਡਾ ਵੱਲ ਰੁਚਿਤ ਕਰਨ ਲਈ, ਬੱਚਿਆ ਦੇ ਖੇਡ ਮੁਕਾਬਲੇ ਵੀ ਕਰਵਾਏ ਜਾ ਰਹੇ ਹਨ ਅਤੇ ਉਹਨਾ ਵਿੱਚ ਮੁਕਾਬਲੇ ਦੀ ਭਾਵਨਾ, ਆਪਸੀ ਸਹਿਯੋਗਤਾ ਦੀ ਭਾਵਨਾ ਵਿਕਸਿਤ ਕੀਤੀ ਜਾ ਰਹੀ ਹੈ। ਐਨ.ਸੀ.ਸੀ ਕੈਡਿਟਸ ਨੂੰ ਬੀ.ਐਸ.ਐਫ ਹੈਡਕਵਾਟਰ ਅਤੇ ਰਾਮਤੀਰਥ ਮੰਦਰ ਦਾ ਵਿਸ਼ੇਸ਼ ਦੌਰਾ ਵੀ ਕਰਵਾਇਆ ਗਿਆ। ਇਸ ਕੈਪ ਦੌਰਾਨ ਵਿਸ਼ੇਸ਼ ਵਿਜ਼ਿਟ ਗਰੁੱਪ ਟਰੇਨਿੰਗ ਅਫਸਰ ਸੋਰਬ ਸਰੀਨ ਦੁਆਰਾ ਕੀਤੀ ਗਈ ਜਿਸ ਵਿੱਚ ਉਹਨਾ ਨੇ ਕੈਡਿਟਾਂ ਨਾਲ ਵਿਸ਼ੇਸ਼ ਮੁਲਾਕਾਤ ਵੀ ਕੀਤੀ ਗਈ ਅਤੇ ਉਹਨਾ ਸਾਰੇ ਕੈਪ ਦਾ ਨਿਰੀਖਣ ਵੀ ਕੀਤਾ ।
ਇਸ ਕੈਪ ਵਿੱਚ ਚੱਲ ਰਹੀ ਕੈਡਿਟਾਂ ਦੀ ਟਰੇਨਿੰਗ ਸਬੰਧੀ ਤਸੱਲੀ ਪ੍ਰਗਟ ਕੀਤੀ। ਇਸ ਮੌਕੇ ਤੇ ਸੂਬੇਦਾਰ ਮੇਜਰ ਅਮਰਜੀਤ ਸਿੰਘ, ਸ.ਵਿਨੈਯ ਕੁਮਾਰ, ਸੁਪਰਡੈਟ, ਬੀ.ਐਚ. ਐਮ ਸੰਜੀਵ ਕੁਮਾਰ, ਸੂਬੇਦਾਰ ਅਨਿਲ ਕੁਮਾਰ, ਸੂਬੇਦਾਰ ਗੋਬਿੰਦਾ ਰਾਉ, ਫਸਟ ਆਫਿਸਰ ਮਨਮੀਤ ਸਿੰਘ, ਸੈਕਿੰਡ ਅਫਸਰ ਸੁਮੰਤ ਗੁਪਤਾ, ਸੈਕਿੰਡ ਅਫਸਰ ਅੰਜੂ ਸ਼ਰਮਾ,ਲੈਫਟੀਨੈਟ ਕਰਮਜੀਤ ਕੌਰ , ਲੈਫਟੀਨੈਟ ਕਮਲਜੀਤ ਸਿੰਘ, ਥਰਡ ਅਫਸਰ ਸ਼ਰਨਜੀਤ ਢਿੱਲੋ , ਸ. ਮਨਜਿੰਦਰ ਸਿੰਘ ਜੂਨੀਅਰ ਅਸੀਸਟੈਟ,ਸ. ਮੁਨੀਸ਼ ਅਬਰੋਲ, ਸ੍ਰੀ ਮਤੀ ਕਰਮਜੀਤ ਕੋਰ, ਸ੍ਰੀ ਮਤੀ ਹਰਸਿਮਰਨਜੀਤ ਕੌਰ ਅਤੇ ਸ. ਸਰਵਨ ਸ਼ਾਮਿਲ ਸਨ।
