English
ਰੂਪਨਗਰ, 18 ਅਕਤੂਬਰ:
ਦਸ਼ਮੇਸ਼ ਯੂਥ ਕਲੱਬ ਵੱਲੋਂ ਗਰੀਨ ਐਵੇਨਿਊ ਦੇ ਵਸਨੀਕ ਮਿਸ ਗਰਿਮਾ ਭਾਰਗਵ ਦੇ ਜੱਜ ਬਣਨ ਤੇ ਉਸ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।
ਪੀਸੀਐਸ ਜੁਡੀਸ਼ਲ ਦੇ ਨਤੀਜੇ ਆਉਣ ਉਪਰੰਤ ਗਰੀਨ ਐਵਨਿਊ ਦੀ ਗਰਿਮਾ ਭਾਰਗਵ ਦੇ ਜੱਜ ਬਣਨ ਦੀ ਖਬਰ ਸੁਣਦੇ ਹੀ ਪੂਰੇ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਦੌੜ ਗਈ ਕਲੱਬ ਵੱਲੋਂ ਪਰਿਵਾਰ ਨੂੰ ਮੁਬਾਰਕਬਾਦ ਦਿੱਤੀ ਗਈ।
ਇਸ ਮੌਕੇ ਕਲੱਬ ਪ੍ਰਧਾਨ ਗੁਰਪ੍ਰੀਤ ਸਿੰਘ ਭਾਉਵਾਲ, ਡੀਐਸਪੀ ਪਾਲ ਸਿੰਘ, ਜਸਪਾਲ ਸਿੰਘ ਨੇ ਕਿਹਾ ਕਿ ਗਰਿਮਾ ਇੱਕ ਆਮ ਪਰਿਵਾਰ ਵਿੱਚੋਂ ਹੈ ਅਤੇ ਉਹ ਆਪਣੀ ਸਖਤ ਮਿਹਨਤ ਤੇ ਮਾਤਾ ਸਰੋਜਨੀ ਵਿਸ਼ਸ਼ਿਟ ਦੀ ਚੰਗੀ ਪਰਵਰਿਸ਼ ਤੇ ਅਧਿਆਪਕਾਂ ਦੀ ਚੰਗੀ ਸਿੱਖਿਆ ਨਾਲ ਪੀਸੀਐਸ ਜੁਡੀਸ਼ਅਲ ਕਲੀਅਰ ਕਰਕੇ ਜੱਜ ਬਣੀ ਹੈ ਇਹ ਸਾਡੇ ਲਈ ਬਹੁਤ ਹੀ ਮਾਣ ਵਾਲੀ ਗੱਲ ਹੈ।
ਜ਼ਿਕਰਯੋਗ ਹੈ ਕਿ ਮਿਸ ਗਰਿਮਾ ਭਾਰਗਵ ਨੇ ਦਸਵੀਂ ਹੋਲੀ ਫੈਮਲੀ ਕਾਨਵੈਂਟ ਸਕੂਲ ਰੋਪੜ ਤੋਂ , ਬਾਰਵੀਂ ਦੀ ਪੜ੍ਹਾਈ ਸਾਹਿਬਜ਼ਾਦਾ ਅਜੀਤ ਸਿੰਘ ਅਕੈਡਮੀ ਰੋਪੜ ਅਤੇ ਗ੍ਰੈਜੂਏਸ਼ਨ ਦੀ ਪੜ੍ਹਾਈ 2022 ਵਿੱਚ ਯੂਨੀਵਰਸਿਟੀ ਇੰਸਟੀਟਿਊਟ ਆਫ ਲੀਗਲ ਸਟਡੀਜ ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਤੋਂ ਪ੍ਰਾਪਤ ਕੀਤੀ ਹੈ ਉਹਨਾਂ ਕਿਹਾ ਕਿ ਆਪਣੀ ਮਾਤਾ ਸਰੋਜਨੀ ਵਿਸ਼ਸ਼ਿਟ ਦੇ ਸਹਿਯੋਗ ਨਾਲ ਇਹ ਪ੍ਰੀਖਿਆ ਬਿਨਾਂ ਕਿਸੇ ਕੋਚਿੰਗ ਤੋਂ ਪਹਿਲੀ ਵਾਰ ਵਿੱਚ ਹੀ ਪਾਸ ਕਰਨ ਵਿੱਚ ਗਰਿਮਾ ਨੇ ਸਫਲਤਾ ਹਾਸਲ ਕੀਤੀ ਹੈ।
ਇਸ ਮੌਕੇ ਗਰਿਮਾ ਭਾਰਗਵ ਨੂੰ ਦਸ਼ਮੇਸ਼ ਕਲੱਬ ਵੱਲੋਂ ਮੋਮੈਂਟੋ ਦੇ ਕੇ ਕਲੋਨੀ ਨਿਵਾਸੀਆਂ ਵੱਲੋਂ ਹਾਰ ਪਾ ਕੇ ਸਨਮਾਨਿਤ ਕੀਤਾ ਗਿਆ ਇਸ ਸਮੇਂ ਬੰਤ ਸਿੰਘ ਨਾਗਰਾ, ਬਾਬਾ ਤਰਲੋਕ ਸਿੰਘ, ਜਸਵੀਰ ਸਿੰਘ, ਉਪਕਾਰ ਸਿੰਘ, ਜਸਵੰਤ ਸਿੰਘ, ਐਮ.ਸੀ. ਗੁਰਮੀਤ ਰਿੰਕੂ, ਦਿਲਬਾਰਾ ਸਿੰਘ (ਕਲੋਨੀ ਪ੍ਰਧਾਨ), ਕਰਨੈਲ ਸਿੰਘ, ਨਰਿੰਦਰ ਸਿੰਘ, ਕੁਲਵੀਰ ਸਿੰਘ ਚਮਕੌਰ ਸਾਹਿਬ, ਰਵਿੰਦਰ ਸਿੰਘ ਪਨੇਸਰ, ਲਕਸ਼ਮੀ ਚੰਦੇਲ ਐਡਵੋਕੇਟ ,ਅਮਨੀਤ ਸਿੰਘ, ਪਰਮਜੀਤ ਸਿੰਘ ਹਾਜਰ ਸਨ।
