ਸਰਕਾਰੀ ਆਈ.ਟੀ.ਆਈ ਫ਼ਾਜ਼ਿਲਕਾ ਵਿੱਚ ਲੱਗਿਆ ਰੋਜ਼ਗਾਰ ਮੇਲਾ

ਫਾਜ਼ਿਲਕਾ 24 ਮਾਰਚ 2023 :- 

    ਸਰਕਾਰੀ ਆਈ. ਟੀ.ਆਈ ਫ਼ਾਜ਼ਿਲਕਾ ਵਿਖੇ ਪ੍ਰਿੰਸੀਪਲ ਸ੍ਰੀ ਹਰਦੀਪ ਕੁਮਾਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਰੁਜ਼ਗਾਰ ਵਿਭਾਗ ਫਾਜ਼ਿਲਕਾ ਦੇ ਸਹਿਯੋਗ ਨਾਲ ਰੋਜ਼ਗਾਰ ਮੇਲਾ ਲਗਾਇਆ ਗਿਆ। ਜਿਸ ਵਿੱਚ ਉਮੀਦਵਾਰਾਂ ਨੇ ਵੱਡੀ ਗਿਣਤੀ ਵਿਚ ਭਾਗ ਲਿਆ। ਇਸ ਮੌਕੇ ਆਈ.ਟੀ.ਸੀ ਕੰਪਨੀ ਕਪੂਰਥਲਾ ਵਿਸ਼ੇਸ਼ ਤੌਰ ਤੇ ਪਹੁੰਚੀ।

    ਆਈ. ਟੀ.ਆਈ ਦੇ ਪਲੇਸਮੈਂਟ ਅਫਸਰ ਸ੍ਰੀ ਮਦਨ ਲਾਲ ਨੇ ਦੱਸਿਆ ਕਿ ਇਸ ਰੁਜ਼ਗਾਰ ਮੇਲੇ ਵਿੱਚ ਸਭ ਤੋਂ ਪਹਿਲਾਂ ਨੌਜਵਾਨ ਉਮੀਦਵਾਰਾਂ ਦੀ ਰਜਿਸਟ੍ਰੇਸ਼ਨ ਕੀਤੀ ਗਈ। ਜਿਸ ਵਿੱਚ ਸ੍ਰੀਮਤੀ ਨਵਜੋਤ ਕੌਰ ਅੰਗਰੇਜ਼ੀ ਅਧਿਆਪਕ ਅਤੇ ਆਈ.ਟੀ.ਆਈ ਸਿਖਿਆਰਥੀਆ ਦਾ ਉੱਘਾ ਯੋਗਦਾਨ ਰਿਹਾ।

  ਕੰਪਨੀ ਤੋਂ ਆਏ ਹੋਏ ਸ੍ਰੀ ਪੰਕਜ ਸ਼ਰਮਾ ਮੈਨੇਜਰ ਐਚ.ਆਰ ਨੇ ਪਹਿਲਾਂ ਉਮੀਦਵਾਰਾਂ ਦੀ ਲਿਖਤੀ ਪ੍ਰੀਖਿਆ ਲਈ ਅਤੇ ਬਾਅਦ ਵਿੱਚ ਇੰਟਰਵਿਊ ਕੰਟੈਕਟ ਕੀਤੀ ਗਈ ਜਿਸ ਵਿਚ ਮਕੈਨਿਕ ਮੋਟਰ ਵਹੀਕਲ ,ਮਸ਼ੀਨਿਸ਼ਟ, ਫਿਟਰ ਇਲੈਕਟ੍ਰੀਸ਼ਨ ਅਤੇ ਬਾਹਰਲੀਆ ਆਈ.ਟੀ.ਆਈ ਦੇ ਉਮੀਦਵਾਰਾਂ ਨੇ ਵੀ ਭਾਗ ਲਿਆ। ਇਸ ਮੌਕੇ ਆਈ.ਟੀ. ਸੀ ਕੰਪਨੀ ਕਪੂਰਥਲਾ ਵਲੋ 25 ਉਮੀਦਵਾਰਾ ਦੀ ਚੋਣ ਕੀਤੀ ਗਈ ਟ੍ਰੇਨਿੰਗ ਅਫਸਰ ਸ. ਅੰਗਰੇਜ਼ ਸਿੰਘ ਨੇ ਦੱਸਿਆ ਕਿ ਇਸ ਮੇਲੇ ਵਿਚ ਹਾਜ਼ਰ ਸਿਖਿਆਰਥੀਆਂ ਨੇ ਵੀ ਅਨੁਸ਼ਾਸਨ ਦਾ ਖਾਸ ਧਿਆਨ ਰੱਖਿਆ।

ਹੋਰ ਪੜ੍ਹੋ :- ਪੰਜਾਬ ਪ੍ਰਦੂਸ਼ਨ ਕੰਟਰੋਲ ਬੋਰਡ ਨੇ ਵਿਸ਼ਵ ਜਲ ਦਿਵਸ ਮਨਾਇਆ