English
क्षमा करें, यह समाचार आपके अनुरोध की भाषा में उपलब्ध नहीं है। कृपया यहाँ देखें।
ਰੂਪਨਗਰ ਜ਼ਿਲ੍ਹੇ ਵਿਚ ਵੱਖ ਥਾਵਾਂ ‘ਤੇ ਲਾਏ ਜਾਣਗੇ ਨਾਕੇ, ਮੌਕੇ ‘ਤੇ ਹੋਵੇਗੀ ਕੋਵਿਡ ਰੈਪਿਡ ਟੈਸਟਿੰਗ ਦੀ ਸਹੂਲਤ
ਰੂਪਨਗਰ, 9 ਅਗਸਤ 2021
ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਮਾਤਾ ਸ੍ਰੀ ਨੈਣਾ ਦੇਵੀ ਮੰਦਿਰ ਜਿਲਾ ਬਿਲਾਸਪੁਰ (ਹਿਮਾਚਲ ਪ੍ਰਦੇਸ਼ ) ਵਿਖੇ ਸਾਵਨ ਦੇ ਨਵਰਾਤਿਆਂ ਦਾ ਮੇਲਾ ਮਿਤੀ 09 ਅਗਸਤ, 2021 ਤੋਂ ਲੈਕੇ 18 ਅਗਸਤ, 2021 ਤੱਕ ਚੱਲ ਰਿਹਾ ਹੈ ਜੋ ਕਿ ਉਕਤ ਧਾਰਮਿਕ ਸਥਾਨ ਤੇ ਮੱਥਾ ਟੇਕਣ ਮਾਤਾ ਦੇ ਦਰਸ਼ਨ ਕਰਨ ਲਈ ਪੰਜਾਬ ਦੇ ਵੱਖ ਵੱਖ ਸ਼ਹਿਰਾਂ / ਪਿੰਡਾਂ ਵਿੱਚੋਂ ਹਜ਼ਾਰਾਂ ਦੀ ਗਿਣਤੀ ਵਿੱਚ ਸ਼ਰਧਾਲੂ ਆਉਂਦੇ ਹਨ ।
ਇਹ ਸ਼ਰਧਾਲੂ ਪੰਜਾਬ ਦੇ ਵੱਖ-ਵੱਖ ਰਸਤਿਆਂ ਰਾਹੀਂ ਜਿਲ੍ਹਾ ਰੂਪਨਗਰ ਦੀ ਹੱਦ ਅੰਦਰ ਪ੍ਰਵੇਸ਼ ਕਰਦੇ ਹਨ ਅਤੇ ਸ੍ਰੀ ਅਨੰਦਪੁਰ ਸਾਹਿਬ ਸ੍ਰੀ ਕੀਰਤਪੁਰ ਸਾਹਿਬ / ਭਰਤਗੜ੍ਹ ਨੰਗਲ ਦੇ ਰਾਸਤੇ ਵੱਖ ਵੱਖ ਸਾਧਨਾ ਰਾਹੀ ਮਾਤਾ ਨੈਣਾ ਦੇਵੀ ਦਰਬਾਰ ਤੇ ਮੱਥਾ ਟੇਕਦੇ ਹਨ। ਸਾਉਣ ਦੇ ਨਰਾਤਿਆਂ ਵਿੱਚ ਮਾਤਾ ਨੈਣਾ ਦੇਵੀ ਦੇ ਦਰਬਾਰ ਤੇ ਬਹੁਤ ਜਿਆਦਾ ਭੀੜ ਹੋ ਜਾਂਦੀ ਹੈ, ਜਿਸ ਕਰਕੇ ਕਰੋਨਾ ਵਾਇਰਸ ਦੇ ਫੈਲਣ ਦਾ ਡਰ ਬਣਿਆ ਹੋਇਆ ਹੈ।
ਇਸ ਲਈ ਆਮ ਲੋਕਾਂ ਦੀ ਸੁਰੱਖਿਆਂ ਨੂੰ ਮੁੱਖ ਰੱਖਦੇ ਹੋਏ ਡਿਪਟੀ ਕਮਿਸ਼ਨਰ ਰੂਪਨਗਰ ਸ਼੍ਰੀਮਤੀ ਸੋਨਾਲੀ ਗਿਰੀ ਨੇ ਜ਼ਿਲ੍ਹੇ ਵਿਚ ਕਈ ਹਦਾਇਤਾਂ/ਹੁਕਮ ਜਾਰੀ ਕੀਤੇ ਹਨ।ਇੰਨਾਂ ਹਦਾਇਤਾਂ ਦੇ ਤਹਿਤ ਸੀਨੀਅਰ ਪੁਲਿਸ ਕਪਤਾਨ, ਰੂਪਨਗਰ ਜਿਲ੍ਹੇ ਦੀ ਹੱਦ ਦੇ ਨਾਲ ਲੱਗਦੇ (ਸਾਹੋ ਮਾਜਰਾ, ਦੇਹਣੀ ਮੱਸੇਵਾਲ, ਪੰਜਹੇਰਾ ਮੋੜ, ਦਬੇਟਾ ਮੋੜ, ਝੱਜਰ, ਬਰਮਲਾ, ਅਜੌਲੀ ਮੋੜ) ਨਾਕਿਆਂ ਤੇ ਪੁਲਿਸ ਦੀਆਂ ਟੀਮਾਂ ਤਾਇਨਾਤ ਕਰਕੇ ਸੁਰੱਖਿਆ ਪ੍ਰਬੰਧ ਅਤੇ ਅਮਨ ਕਾਨੂੰਨ ਦੀ ਸਥਿਤੀ ਨੂੰ ਬਹਾਲ ਰੱਖਣਾ ਯਕੀਨੀ ਬਣਾਉਣਗੇ।
ਜਿਲ੍ਹਾ ਵਿਕਾਸ ਤੇ ਪੰਚਾਇਤ ਅਫਸਰ ਰੂਪਨਗਰ ਜਿਲ੍ਹੇ ਦੇ ਸਮੂਹ ਪਿੰਡਾਂ ਵਿੱਚ ਮੁਸਤਰੀ-ਮੁਨਿਆਦੀ ਰਾਹੀ ਪ੍ਰਚਾਰ ਕਰਵਾਉਣਗੇ ਕਿ ਮਾਤਾ ਨੈਣਾਂ ਦੇਵੀ ਜਾਣ ਵਾਲੇ ਸ਼ਰਧਾਲੂ ਆਪਣੀ 72 ਘੰਟੇ ਪਹਿਲਾਂ ਦੀ ਕੋਵਿਡ ਨੈਗਟਿਵ ਰਿਪੋਰਟ ਅਤੇ ਦੋਵੇਂ ਕੋਵਿਡ ਵੈਕਸੀਨੇਸ਼ਨ ਰਿਪੋਰਟਾਂ ਦਾ ਸਰਟੀਫਿਕੇਟ ਨਾਲ ਲੈ ਕੇ ਹੀ ਆਪਣੀ ਯਾਤਰਾ ਤੇ ਜਾਣ ਤਾਂ ਜੋ ਯਾਤਰਾ ਤੇ ਜਾਣ ਸਮੇਂ ਕਿਸੇ ਵੀ ਕਿਸਮ ਦੀ ਦਿੱਕਤ ਦਾ ਸਾਹਮਣਾ ਨਾ ਕਰਨਾ ਪਵੇ।
ਸੱਕਤਰ ਰਿਜਨਲ ਟਰਾਂਸਪੋਰਟ ਅਥਾਰਟੀ ਐਸ.ਏ. ਐਸ ਨਗਰ / ਜਨਰਲ ਮੈਨੇਜਰ, ਪੰਜਾਬ ਰੋਡਵੇਜ ਰੂਪਨਗਰ / ਨੰਗਲ ਬੱਸਾਂ ਦੇ ਡਰਾਇਵਰਾਂ / ਕੰਡਕਟਰਾਂ ਨੂੰ ਹਦਾਇਤ ਕਰਨਗੇ ਕਿ ਉਹ ਹਿਮਾਚਲ ਪ੍ਰਦੇਸ਼ ਜਾਣ ਵਾਲੀਆਂ ਸਵਾਰੀਆਂ ਦਾ ਕੋਵਿਡ ਨੈਗਟਿਵ ਰਿਪੋਰਟ ਅਤੇ ਕੋਵਿਡ ਵੈਕਸੀਨੇਸ਼ਨ ਰਿਪੋਰਟ ਸਰਟੀਫਿਕੇਟ ਵੇਖਣ ਉਪਰੰਤ ਹੀ ਸਵਾਰੀਆਂ ਨੂੰ ਬੱਸਾਂ ਵਿੱਚ ਚੜਾਉਣਗੇ ।
ਸਿਵਲ ਸਰਜਨ, ਰੂਪਨਗਰ ਇਹ ਯਕੀਨੀ ਬਣਾਉਣਗੇ ਕਿ ਉਹ ਪੁਲਿਸ ਵਿਭਾਗ ਨਾਲ ਤਾਲਮੇਲ ਕਰਕੇ ਹਿਮਾਚਲ ਪ੍ਰਦੇਸ਼ ਦੇ ਨਾਲ ਲੱਗਦੇ (ਸਾਹੋ ਮਾਜਰਾ, ਦੇਹਣੀ ਮੱਸੇਵਾਲ, ਪੰਜਹੇਰਾ ਮੋੜ, ਦਬੇਟਾ ਮੋੜ, ਝੱਜਰ, ਬਰਮਲਾ, ਅਜੌਲੀ ਮੋੜ ਨਾਕਿਆਂ ਤੇ ਆਪਣੀਆਂ ਹੈਲਥ ਮੈਡੀਕਲ ਟੀਮਾਂ ਤੈਨਾਤ ਕਰਨੀਆਂ ਯਕੀਨੀ ਬਣਾਉਣਗੇ ਤਾਂ ਜੋ ਹਿਮਾਚਲ ਪ੍ਰਦੇਸ਼ ਨੂੰ ਜਾਣ ਵਾਲੇ ਯਾਤਰੀਆਂ ਦਾ ਮੌਕੇ ਤੇ ਰੈਪਿਡ ਕੋਵਿਡ ਟੈਸਟ ਕੀਤਾ ਜਾ ਸਕੇ ।
ਇਸ ਤੋਂ ਇਲਾਵਾ ਡਿਪਟੀ ਕਮਿਸ਼ਨਰ ਵਲੋਂ ਜਾਰੀ ਕੀਤੇ ਗਏ ਹੁਕਮਾਂ ਦੇ ਤਹਿਤ ਉਪ ਮੰਡਲ ਮੈਜਿਸਟਰੇਟ, ਰੂਪਨਗਰ / ਸ਼੍ਰੀ ਅਨੰਦਪੁਰ ਸਾਹਿਬ, ਨੰਗਲ ਆਪਣੀ ਸਬ ਡਵੀਜਨ ਦੇ ਆਲ ਓਵਰ ਇੰਜਾਰਜ ਹੋਣਗੇ, ਇਸ ਤੋਂ ਇਲਵਾ ਪੁਲਿਸ ਵਿਭਾਗ ਵੱਲੋਂ ਹਿਮਾਚਲ ਪ੍ਰਦੇਸ਼ ਵਿਖੇ ਜਾਣ ਵਾਲੇ ਨਾਕਿਆਂ ਲਈ ਕਾਰਜਕਾਰੀ ਇੰਜੀਨੀਅਰ ਸੀਵਰੇਜ ਬੋਰਡ, ਰੂਪਨਗਰ, ਕਾਰਜਕਾਰੀ ਇੰਜੀਨੀਅਰ ਪੰਜਾਬ ਮੰਡੀ ਬੋਰਡ, ਰੂਪਨਗਰ, ਕਾਰਜਕਾਰੀ ਇੰਜੀਨੀਅਰ ਵਾਟਰ ਸਪਲਾਈ ਐਂਡ ਸੈਨੀਟੇਸ਼ਨ ਮੰਡਲ ਨੰਬਰ, ਰੂਪਨਗਰ, ਕਾਰਜਕਾਰੀ ਇੰਜੀਨੀਅਰ ਵਾਟਰ ਸਪਲਾਈ ਐਂਡ ਸੈਨੀਟੈਸ਼ਨ ਮੰਡਲ ਨੰਬਰ 1, ਸ੍ਰੀ ਅੰਨਦਪੁਰ ਸਾਹਿਬ, ਕਾਰਜਕਾਰੀ ਇੰਜੀਨੀਅਰ ਪੰਚਾਇਤੀ ਰਾਜ, ਰੂਪਨਗਰ, ਕਾਰਜਕਾਰੀ ਇੰਜੀਨੀਅਰ ਟਿਊਬਵੈਲ ਉਸਾਰੀ ਮੰਡਲ, ਰੂਪਨਗਰ, ਉਪ ਮੰਡਲ ਭੂਮੀ ਰੱਖਿਆ ਅਫਸਰ, ਰੂਪਨਗਰ ਨੂੰ ਬਤੌਰ ਡਿਊਟੀ ਮੈਜਿਸਟੇਰਟ ਤੈਨਾਤ ਕੀਤਾ ਗਿਆ ਹੈ।
